കോഴിക്കോട്: ശബരിമല സമരം ഒത്തുതീർപ്പാക്കാൻ ആത്മാഭിമാനമുള്ള ബി.ജെ.പി പ്രവർത്തകർ അനുവദിക്കില്ലെന്ന് വി. മുരളീധരൻ എം.പി. ബി.ജെ.പി സംസ്ഥാന പ്രസിഡൻറ് ഒരു ഒത്തുതീർപ്പിനും തയാറാവുമെന്ന് കരുതുന്നില്ല. സമരത്തെ അടിച്ചമർത്താൻ പിണറായി വിജയൻ ശ്രമിക്കേണ്ട. സി.പി.എമ്മുമായി ഒത്തുതീർപ്പ് നടത്താൻ ബി.ജെ.പി സംസ്ഥാന പ്രസിഡൻറിനുമാവില്ല. വയൽക്കിളി സമരവുമായി ബന്ധപ്പെട്ട ചോദ്യങ്ങൾക്ക് പാർട്ടി സംസ്ഥാന അധ്യക്ഷനാണ് മറുപടി പറയേണ്ടതെന്നും മുരളീധരൻ വ്യക്തമാക്കി. കോഴിക്കോട് ജില്ല സബ്ജയിലിൽ സുരേന്ദ്രനെ സന്ദർശിച്ച ശേഷം മാധ്യമങ്ങളോട് പ്രതികരിക്കുകയായിരുന്നു അദ്ദേഹം.
സമരത്തിൽനിന്ന് പിറകോട്ടില്ല –ശ്രീധരൻ പിള്ള
കോഴിക്കോട്: ശബരിമല സമരത്തിൽനിന്ന് ബി.ജെ.പി പിറകോട്ടു പോയിട്ടില്ലെന്നും സമരം ശക്തിപ്പെടുത്തി സെക്രേട്ടറിയറ്റിനു മുന്നിലേക്ക് വ്യാപിപ്പിക്കുകയാണ് ചെയ്തതെന്നും സംസ്ഥാന പ്രസിഡൻറ് പി.എസ്. ശ്രീധരൻ പിള്ള. ബി.ജെ.പി സമരം നിർത്തിയെന്നു പറയുന്ന മുഖ്യമന്ത്രി പിണറായി വിജയൻ വിഡ്ഢികളുടെ സ്വർഗത്തിലാണ്. ശബരിമല വിഷയത്തിൽ സി.പി.എമ്മുമായി ബി.ജെ.പി ഒത്തുതീർപ്പുണ്ടാക്കിയെന്ന പ്രചാരണം നൂറ്റാണ്ടിലെ വലിയ കളവാണ്. ശബരിമല കർമസമിതിയുടെ സമരത്തിന് ബി.ജെ.പി പിന്തുണയുെണ്ടന്നും അദ്ദേഹം പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.