യാത്രാ ഇളവ്; മുതിർന്നവരെ മാനിക്കാതെ റെയിൽവേ

ക​ണ്ണൂ​ർ: മു​തി​ർ​ന്ന പൗ​ര​ന്മാ​രു​ടെ യാ​ത്രാ ഇള​വി​ൽ പ​രി​ഗ​ണ​ന ന​ൽ​കാ​തെ റെ​യി​ൽ​വേ. പ​തു​ക്കെ സ്വ​കാ​ര്യ​വ​ത്ക​ര​ണ​ത്തി​ലേ​ക്ക് ക​ട​ക്കു​ന്ന റെ​യി​ൽ​വേ ലാ​ഭം ഉ​യ​ർ​ത്താ​നു​ള്ള വി​വി​ധ പ​ദ്ധ​തി​ക​ൾ ആ​വി​ഷ്‌​ക​രി​ക്കു​ന്ന​തി​ന്റെ ഭാ​ഗ​മാ​യാ​ണ് കോ​വി​ഡ് കാ​ല​ത്ത് മു​തി​ർ​ന്ന പൗ​ര​ന്മാ​രു​ടെ ടി​ക്ക​റ്റ് ഇ​ള​വു​ക​ൾ നി​ർ​ത്ത​ലാ​ക്കി​യ​ത്.

ക​ണ്ണൂ​ർ -കോ​ഴി​ക്കോ​ട് റൂ​ട്ടി​ൽ അ​ട​ക്കം മു​ഴു​വ​ൻ പാ​സ​ഞ്ച​ർ ട്രെ​യി​നു​ക​ളും പു​നഃ​സ്ഥാ​പി​ച്ച​പ്പോ​ഴും മു​തി​ർ​ന്ന പൗ​ര​ന്മാ​രു​ടെ യാ​ത്രാ ഇ​ള​വി​ന്റെ കാ​ര്യ​ത്തി​ൽ ഇ​തു​വ​രെ​യും തീ​രു​മാ​ന​മൊ​ന്നു​മാ​യി​ല്ല. 58 ക​ഴി​ഞ്ഞ സ്ത്രീ​ക​ൾ​ക്ക് 50 ശ​ത​മാ​ന​വും 60 പൂ​ർ​ത്തി​യാ​യ പു​രു​ഷ​ന്മാ​ർ​ക്ക് 40 ശ​ത​മാ​ന​വു​മാ​ണ് കോ​വി​ഡി​നു​മു​മ്പ് ടി​ക്ക​റ്റ് ഇ​ള​വ് ല​ഭി​ച്ചി​രു​ന്ന​ത്.

ക​ണ്ണൂ​ർ, ത​ല​ശ്ശേ​രി, പ​യ്യ​ന്നൂ​ർ സ്റ്റേ​ഷ​നു​ക​ളി​ലെ യാ​ത്ര​ക്കാ​രി​ൽ 20 ശ​ത​മാ​ന​ത്തോ​ളം മു​തി​ർ​ന്ന പൗ​ര​ന്മാ​രാ​ണ്. സാ​ധാ​ര​ണ​ക്കാ​ർ​ക്ക് അ​ട​ക്കം റി​സ​ർ​വേ​ഷ​നി​ലും ജ​ന​റ​ൽ ടി​ക്ക​റ്റി​ലും പ​കു​തി​യോ​ളം ഇ​ള​വ് ല​ഭി​ക്കു​ന്ന​ത് ആ​ശ്വാ​സ​മാ​യി​രു​ന്നു. ജീ​വി​ത സാ​യാ​ഹ്ന​ത്തി​ൽ വ​രു​മാ​ന​മി​ല്ലാ​ത്ത മു​തി​ർ​ന്ന​വ​ർ​ക്ക് ഇ​ള​വ് പു​നഃ​സ്ഥാ​പി​ക്ക​ണ​മെ​ന്ന​ത് ഏ​റെ​നാ​ള​ത്തെ ആ​വ​ശ്യ​മാ​ണ്. മു​തി​ർ​ന്ന പൗ​ര​ന്മാ​രു​ടെ​യും പെ​ൻ​ഷ​ൻ​കാ​രു​ടെ​യും റെ​യി​ൽ​വേ യാ​ത്ര​ക്കാ​രു​ടെ​യും സം​ഘ​ട​ന​ക​ൾ നി​ര​ന്ത​രം ഈ ​ആ​വ​ശ്യ​വു​മാ​യി റെ​യി​ൽ​വേ അ​ധി​കൃ​ത​രെ സ​മീ​പി​ച്ചി​രു​ന്നു.

അ​തി​നി​ടെ, മു​തി​ർ​ന്ന പൗ​ര​ന്മാ​രു​ടെ ഇ​ള​വു​ക​ൾ പു​നഃ​സ്ഥാ​പി​ക്കാ​ൻ റെ​യി​ൽ​വേ ബോ​ർ​ഡ് ഒ​രു​ങ്ങു​ന്ന​താ​യും വി​വ​ര​മു​ണ്ട്. ജ​ന​റ​ൽ, സ്ലീ​പ്പ​ർ ക്ലാ​സു​ക​ളി​ൽ മാ​ത്ര​മാ​യി​രി​ക്കും മു​തി​ർ​ന്ന പൗ​ര​ന്മാ​ർ​ക്ക് ഇ​ള​വു​ക​ൾ ന​ൽ​കു​ക​യെ​ന്നും പ്രാ​യ​പ​രി​ധി 70 വ​യ​സ്സാ​യി ഉ​യ​ർ​ത്തു​മെ​ന്നും വി​വ​ര​മു​ണ്ട്. ഇ​ള​വു​ക​ൾ പൂ​ർ​ണ​മാ​യി ഒ​ഴി​വാ​ക്കി​ല്ലെ​ങ്കി​ലും പ്രാ​യ​പ​രി​ധി ഉ​യ​ർ​ത്തു​ക​യാ​ണെ​ങ്കി​ൽ നി​ര​വ​ധി​പേ​ർ ആ​നു​കൂ​ല്യ​ത്തി​ന് പു​റ​ത്താ​വും. മു​തി​ർ​ന്ന പൗ​ര​ന്മാ​രാ​യ യാ​ത്ര​ക്കാ​രി​ൽ 80 ശ​ത​മാ​ന​വും 60നും 70​നും ഇ​ട​യി​ൽ പ്രാ​യ​മു​ള്ള​വ​രാ​ണ്. ചി​കി​ത്സാ​ർ​ഥം നി​ര​വ​ധി പേ​രാ​ണ് സ്ഥി​ര​മാ​യി കോ​ഴി​ക്കോ​ട്ടേ​ക്കും മം​ഗ​ളൂ​രു​വി​ലേ​ക്കും യാ​ത്ര​ചെ​യ്യു​ന്ന​ത്. നേ​ര​ത്തെ ടി​ക്ക​റ്റ് റി​സ​ർ​വ് ചെ​യ്യു​മ്പോ​ഴും ജ​ന​റ​ൽ ടി​ക്ക​റ്റെ​ടു​ക്കു​മ്പോ​ഴും അ​മ്പ​ത് ശ​ത​മാ​ന​ത്തോ​ളം ഇ​ള​വ് ല​ഭി​ക്കു​ന്ന​ത് സാ​ധാ​ര​ണ​ക്കാ​ർ​ക്ക് വ​ലി​യ ആ​ശ്വാ​സ​മാ​യി​രു​ന്നു.

പാ​സ​ഞ്ച​ർ വ​ണ്ടി​ക​ൾ പു​നഃ​സ്ഥാ​പി​ച്ചെ​ങ്കി​ലും സ്‍പെ​ഷ​ൽ, എ​ക്സ്പ്ര​സ് ട്രെ​യി​നു​ക​ളാ​യാ​ണ് ഓ​ടി​ക്കു​ന്ന​ത്. കു​റ​ഞ്ഞ നി​ര​ക്ക് 30 രൂ​പ​യാ​ണ്.

ലോ​ക്ഡൗ​ണി​നു​ശേ​ഷം ട്രെ​യി​ൻ ഗ​താ​ഗ​തം സാ​ധാ​ര​ണ നി​ല​യി​ലാ​യി​ട്ടും പാ​സ​ഞ്ച​ർ വ​ണ്ടി​ക​ൾ​ക്ക് എ​ക്സ്പ്ര​സ് നി​ര​ക്ക് ഈ​ടാ​ക്കു​ന്ന​തി​നെ​തി​രെ വ്യാ​പ​ക പ്ര​തി​ഷേ​ധ​മു​ണ്ട്.