ന്യൂഡൽഹി: വയനാട്ടിലെ വിദ്യർഥികൾക്ക് ഒാൺൈലൻ ക്ലാസ് ലഭിക്കാനായി രാഹുൽ ഗാന്ധി എം.പി 175 സ്മാർട്ട് ടി.വി കൂടി നൽകുന്നു. ടി.വികൾ വിദ്യാർഥികൾക്ക് വിതരണം ചെയ്യാനായി കൈമാറി. ഇത് രണ്ടാം തവണയാണ് വയനാട്ടിലെ വിദ്യാർഥികൾക്കായി രാഹുൽ ടി.വികൾ നൽകുന്നത്. ജൂൺ 19 ന് തൻെറ 50 ാം പിറന്നാളിൻെറ ഭാഗമായി വിദ്യാർഥികൾക്ക് 50 ടി.വി രാഹുൽ നൽകിയിരുന്നു.
ഒാൺൈലൻ ക്ലാസിൽ പങ്കെടുക്കാനാകാത്തതിൻെറ വിഷമത്തിൽ വളാഞ്ചേരിയിൽ ഒമ്പതാം ക്ലാസ് വിദ്യാർഥിനി ആത്മഹത്യ ചെയ്ത വാർത്ത പുറത്തു വന്നതിനെ തുടർന്നാണ് വയനാട്ടിലെ വിദ്യാർഥികൾക്കായി ടി.വി നൽകാമെന്നേറ്റ് രാഹുൽ ഗാന്ധി രംഗത്തെത്തിയത്. ഇത് സംബന്ധിച്ച് മുഖ്യമന്ത്രി പിണറായി വിജയനും ജില്ലാ കലക്ടർക്കും രാഹുൽ കത്ത് നൽകിയിരുന്നു. ആദിവാസി വിഭാഗങ്ങളിൽ നിന്നടക്കമുള്ള കുട്ടികൾ ഒാൺൈലൻ ക്ലാസുകളിൽ നിന്ന് പുറത്ത് പോകുന്നതിൻെറ ആശങ്കയും മുഖ്യമന്ത്രിക്കയച്ച് കത്തിൽ രാഹുൽ പങ്കുവെച്ചു. ഒാൺൈലൻ ക്ലാസുകൾ സംഘടിപ്പിക്കാനുള്ള സൗകര്യങ്ങളൊരുക്കാൻ പൂർണ സഹകരണവും രാഹുൽ ഉറപ്പ് നൽകിയിരുന്നു. ആദ്യ ഘട്ടമെന്ന നിലയിൽ ജൂൺ 19ന് 50 ടി.വി കൈമാറുകയും ചെയ്തു.
A month ago, a student in Kerala died by suicide as she was unable to attend online classes during lockdown. Shri @RahulGandhi then promised to assist needy students in Wayanad, his constituency.
— Gaurav Pandhi (@GauravPandhi) July 2, 2020
Here are 175 Smart TVs, to be distributed to underprivileged students in Wayanad. pic.twitter.com/mwHi5Va1Ek
രണ്ടാം ഘട്ടമായാണ് ഇപ്പോൾ 175 ടി.വി കൈമാറുന്നത്. ആദിവാസി വിഭാഗങ്ങളിൽ നിന്നടക്കമുള്ള കുട്ടികൾക്കാണ് ടി.വി കൈമാറുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.