പൊ​തു​സ്ഥ​ലമാണ്; മാ​ലി​ന്യ​ത്തൊ​ട്ടി​യാ​ക്കരുത്

2023 ജ​നു​വ​രി ഒ​ന്നു​മു​ത​ൽ ന​വം​ബ​ർ 24 വ​രെ​ ചു​മ​ത്തി​യ പി​ഴ ₨3,33,12,047, ഈ​ടാ​ക്കിയത് ₨85,68,112, സ്ഥാപിച്ച കാ​മ​റകൾ 537, പാ​രി​തോ​ഷി​കം 3.07 ല​ക്ഷം

കൊ​ച്ചി: പ​രി​ശോ​ധ​ന​ക​ളും കാ​മ​റ നി​രീ​ക്ഷ​ണ​വും ശ​ക്ത​മാ​ക്കി​യി​ട്ടും സം​സ്ഥാ​ന​ത്ത്​ പൊ​തു​സ്ഥ​ല​ത്ത്​ മാ​ലി​ന്യം വ​ലി​ച്ചെ​റി​യു​ന്ന​തി​ന്​ കു​റ​വി​ല്ല. ക​ഴി​ഞ്ഞ വ​ർ​ഷം മാ​ത്രം ​ഇ​ങ്ങ​നെ മാ​ലി​ന്യം നി​ക്ഷേ​പി​ച്ച​വ​ർ​ക്കും നി​രോ​ധി​ത പ്ലാ​സ്റ്റി​ക്​ ഉ​പ​യോ​ഗ​മ​ട​ക്കം നി​യ​മ​ലം​ഘ​ന​ങ്ങ​ൾ​ക്കും​ ചു​മ​ത്തി​യ പി​ഴ 3,33,12,047 രൂ​പ​യാ​ണ്. മാ​ലി​ന്യ​മു​ക്ത ന​വ​കേ​ര​ളം കാ​മ്പ​യി​ന്‍റെ ഭാ​ഗ​മാ​യി ന​ട​ത്തി​യ പ​രി​ശോ​ധ​ന​ക​ളി​ലാ​ണ്​ മാ​ലി​ന്യ​നി​ക്ഷേ​പ കേ​ന്ദ്ര​മാ​ക്കി​യ​വ​ർ വ്യാ​പ​ക​മാ​യി കു​ടു​ങ്ങി​യ​ത്.
കാ​മ്പ​യി​ന്‍റെ ഭാ​ഗ​മാ​യി പൊ​തു​സ്ഥ​ല​ത്ത്​ മാ​ലി​ന്യ​മെ​റി​യു​ന്ന​വ​രെ ക​ണ്ടെ​ത്താ​ൻ ത​ദ്ദേ​ശ​സ്ഥാ​പ​ന​ങ്ങ​ൾ പ​രി​ശോ​ധ​ന ശ​ക്ത​മാ​ക്കി​യി​രു​ന്നു. ജ​ലാ​ശ​യ​ങ്ങ​ള​ട​ക്കം പൊ​തു​സ്ഥ​ല​ങ്ങ​ളി​ൽ മാ​ലി​ന്യം നി​ക്ഷേ​പി​ക്കു​ക​യും നി​രോ​ധി​ത പ്ലാ​സ്റ്റി​ക്​ ഉ​ൽ​പ​ന്ന​ങ്ങ​ൾ ക​ട​ക​ളി​ൽ സൂ​ക്ഷി​ക്കു​ക​യും ചെ​യ്ത​വ​ർ​ക്കാ​ണ്​ 3.33 കോ​ടി പി​ഴ ചു​മ​ത്തി​യ​ത്.
2023 ജ​നു​വ​രി ഒ​ന്നു​മു​ത​ൽ ന​വം​ബ​ർ 24 വ​രെ​യു​ള്ള ക​ണ​ക്കാ​ണി​ത്. എ​ന്നാ​ൽ, ഇ​തി​ൽ 85,68,112 രൂ​പ മാ​ത്ര​മേ ഈ​ടാ​ക്കാ​നാ​യി​ട്ടു​ള്ളൂ. പി​ഴ ചു​മ​ത്തി​യ തീ​രു​മാ​നം നി​യ​മ​ന​ട​പ​ടി​ക​ളി​ലേ​ക്ക്​ പോ​യ​താ​ണ്​ കാ​ര​ണം.
മി​ന്ന​ൽ​പ​രി​ശോ​ധ​ന​യി​ലൂ​ടെ​യും കാ​മ​റ നി​രീ​ക്ഷ​ണ​ത്തി​ലൂ​ടെ​യു​മാ​ണ്​ മാ​ലി​ന്യം ത​ള്ളി​യ​വ​രെ ക​ണ്ടെ​ത്തി​യ​ത്. കു​റ്റ​കൃ​ത്യ​ത്തി​ന്‍റെ തോ​ത​നു​സ​രി​ച്ച്​ 5000 മു​ത​ൽ ഒ​രു​ല​ക്ഷം രൂ​പ വ​രെ പി​ഴ ചു​മ​ത്തി​യ കേ​സു​ക​ളു​ണ്ട്. മാ​ലി​ന്യം നീ​ക്കി സ്ഥ​ലം വൃ​ത്തി​യാ​ക്കാ​നു​ള്ള ചെ​ല​വ്​ കൂ​ടി ഉ​ൾ​പ്പെ​ടു​ത്തി​യാ​ണ്​ പി​ഴ. പ​രി​ശോ​ധ​ന ശ​ക്ത​മാ​ക്കി​യ​തോ​ടെ പി​ഴ ചു​മ​ത്തു​ന്ന​തി​ൽ മു​ൻ വ​ർ​ഷ​ത്തെ അ​പേ​ക്ഷി​ച്ച്​ വ​ർ​ധ​ന​വു​ണ്ടാ​യി​ട്ടു​ണ്ടെ​ന്നും ശു​ചി​ത്വ​മി​ഷ​ൻ അ​ധി​കൃ​ത​ർ പ​റ​യു​ന്നു.

കൈ​മാ​റി​യ​ത്​ 33,973 ട​ൺ മാ​ലി​ന്യം

പൊ​തു​സ്ഥ​ല​ങ്ങ​ളി​ൽ ക​ണ്ടെ​ത്തി​യ​തും ഹ​രി​ത ക​ർ​മ​സേ​ന​ക​ൾ വ​ഴി​യും മെ​റ്റീ​രി​യ​ൽ ക​ല​ക്ഷ​ൻ ഫെ​സി​ലി​റ്റി (എം.​സി.​എ​ഫ്) വ​ഴി​യും ശേ​ഖ​രി​ച്ച​തു​മാ​യ 33,973 ട​ൺ മാ​ലി​ന്യം ക്ലീ​ൻ കേ​ര​ള ക​മ്പ​നി​ക്ക്​ കൈ​മാ​റി. ക​ഴി​ഞ്ഞ വ​ർ​ഷം ഏ​പ്രി​ൽ ഒ​ന്നു​മു​ത​ൽ ഡി​സം​ബ​ർ 31 വ​രെ കാ​ല​യ​ള​വി​ലാ​ണ്​ ഇ​ത്ര​യും മാ​ലി​ന്യം ത​രം​തി​രി​ച്ച്​ ക​മ്പ​നി​ക്ക്​ ന​ൽ​കി​യ​ത്.

കാ​മ​റ നിരീക്ഷണം തകൃതി

പൊ​തു​സ്ഥ​ല​ത്ത്​ മാ​ലി​ന്യം ത​ള്ളു​ന്ന​ത്​ പി​ടി​കൂ​ടാ​ൻ ത​ദ്ദേ​ശ സ്ഥാ​പ​ന​ങ്ങ​ളു​ടെ നേ​തൃ​ത്വ​ത്തി​ൽ ഇ​തി​ന​കം 537 കാ​മ​റ​ക​ൾ സ്ഥാ​പി​ച്ചി​ട്ടു​ണ്ട്. പൊ​തു​സ്ഥ​ല​ങ്ങ​ളി​ൽ 287ഉം ​റോ​ഡ​രി​കു​ക​ളി​ൽ 175ഉം ​വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളി​ൽ 75ഉം ​കാ​മ​റ​ക​ളാ​ണ്​ സ്ഥാ​പി​ച്ചി​ട്ടു​ള്ള​ത്. കൂ​ടു​ത​ൽ കാ​മ​റ​ക​ൾ സ്ഥാ​പി​ക്കാ​ൻ ത​ദ്ദേ​ശ​സ്ഥാ​പ​ന​ങ്ങ​ൾ സ​ർ​ക്കാ​റി​ന്​ പ​ദ്ധ​തി സ​മ​ർ​പ്പി​ച്ചി​ട്ടു​ണ്ട്.

മറക്കല്ലേ, പാ​രി​തോ​ഷി​കമുണ്ട്

പൊ​തു​സ്ഥ​ല​ത്ത്​ മാ​ലി​ന്യം ത​ള്ളി​യ​വ​രെ​ക്കു​റി​ച്ച്​ ര​ഹ​സ്യ​വി​വ​രം ന​ൽ​കി​യ​വ​ർ​​ പാ​രി​തോ​ഷി​ക​മാ​യി നേ​ടി​യ​ത്​ 3,07,957 രൂ​പ. മാ​ലി​ന്യം വ​ലി​ച്ചെ​റി​യു​ന്ന​വ​രു​ടെ​യും ദ്ര​വ​മാ​ലി​ന്യം ഒ​ഴു​ക്കു​ന്ന​വ​രു​ടെ​യും ചി​ത്രം അ​ല്ലെ​ങ്കി​ൽ വി​ഡി​യോ സ​ഹി​തം ത​ദ്ദേ​ശ​സ്ഥാ​പ​ന സെ​ക്ര​ട്ട​റി​മാ​ർ​ക്ക്​ വി​വ​രം കൈ​മാ​റു​ന്ന​വ​ർ​ക്ക്​ പാ​രി​തോ​ഷി​കം ന​ൽ​കു​ന്ന പ​ദ്ധ​തി ക​ഴി​ഞ്ഞ ജൂ​ണി​ലാ​ണ്​ നി​ല​വി​ൽ​വ​ന്ന​ത്. ന​വം​ബ​ർ വ​രെ​യാ​ണ്​ മൂ​ന്നു​ല​ക്ഷ​ത്തി​ല​ധി​കം രൂ​പ പാ​രി​തോ​ഷി​ക​മാ​യി ന​ൽ​കി​യ​ത്. പി​ഴ​ത്തു​ക​യു​ടെ 25 ശ​ത​മാ​നം അ​ല്ലെ​ങ്കി​ൽ പ​ര​മാ​വ​ധി 2500 രൂ​പ​യാ​ണ്​ ഇ​ങ്ങ​നെ ന​ൽ​കു​ക.

ടി.​എം. മു​ഹ​മ്മ​ദ്​ ജാ (​എ​ക്സി​ക്യൂ​ട്ടി​വ്​ ഡ​യ​റ​ക്ട​ർ, ശു​ചി​ത്വ മി​ഷ​ൻ)

ഗു​ണ​ഫ​ലം ക​ണ്ടു​​തു​ട​ങ്ങി
ന​ട​പ​ടി​ക​ൾ ക​ർ​ശ​ന​മാ​ക്കി​യ​തോ​ടെ പൊ​തു​ജ​ന​ങ്ങ​ൾ കൂ​ടു​ത​ൽ ജാ​ഗ​രൂ​ക​രാ​യി​ട്ടു​ണ്ട്. ഇ​ത്​ മാ​ലി​ന്യ നി​ർ​മാ​ർ​ജ​ന യ​ത്ന​ങ്ങ​ൾ​ക്ക്​ കൂ​ടു​ത​ൽ ഉ​ണ​ർ​വ്​ പ​ക​രു​ന്നു. ബോ​ധ​വ​ത്​​ക​ര​ണം​കൊ​ണ്ട്​ മാ​ത്രം കാ​ര്യ​മി​ല്ലെ​ന്ന തി​രി​ച്ച​റി​വി​ൽ​നി​ന്നാ​ണ്​ പി​ഴ ഈ​ടാ​ക്കു​ന്ന​ത്​ പോ​ലു​ള്ള ശ​ക്ത​മാ​യ ന​ട​പ​ടി​ക​ൾ ആ​രം​ഭി​ച്ച​ത്. ഇ​തി​ന്‍റെ ഗു​ണ​ഫ​ലം ക​ണ്ടു​തു​ട​ങ്ങി​യി​ട്ടു​ണ്ട്.