ശബരിമല: ദർശനത്തിന് എത്തിയ ട്രാൻസ്ജെൻഡർ പ്രതിഷേധം മൂലം തിരിച്ചുപോയി. പുലർച്ചെ ആറരയോടെ ദർശനത്തിന് എത്തിയ കയൽ എന്ന ട്രാൻസ്ജെൻഡർ യുവതിയാണ് തിരികെ പോയത്. ആറരക്ക് പമ്പയിലെത്തിയ ഇവർക്ക് നേതെ ശക്തമായ പ്രതിഷേധമുണ്ടായി.
ആദ്യം സാരി ഉടുത്ത് എത്തിയിരുന്ന കയൽ പമ്പയിലെ ഗാർഡ് റൂമിൽ നിന്ന് വസ്ത്രം മാറി പുരുഷവേഷം ധരിച്ചു. ഇതറിഞ്ഞതോടെ ഗാർഡ്റൂമിനു സമീപം പ്രതിഷേധക്കാർ തടിച്ചു കൂടി. പ്രതിഷേധക്കാർ വർധിച്ചതോടെ ശബരിമല ദർശനത്തിൽ നിന്ന് പിൻമാറുകയാണെന്ന് കയൽ തശന്ന പൊലീസിനെ അറിയിക്കുകയായിരുന്നു.
താൻ അയ്യപ്പ ഭക്തയാണെന്നും 17 വർഷമായി ശബരിമല ദർശനം നടത്തുന്നുണ്ടെന്നും കയൽ പറഞ്ഞു. നേരത്തെ ഒരു സംഘം ട്രാൻസ്ജെൻഡേഴ്സ് ശബരിമലയിൽ ദർശനം നടത്തിയിരുന്നു. ട്രാൻസ്ജെൻഡറുകളെ തടയേണ്ടതില്ലെന്ന് തന്ത്രിയും പന്തളം രാജകുടുംബവും അറിയിച്ചിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.