തോമസ് ചാണ്ടിക്കെതിരായ ആരോപണങ്ങൾ രാഷ്ട്രീയ പ്രേരിതമെന്ന് കോടിയേരി

തിരുവനന്തപുരം:  ഗതാഗതമന്ത്രി തോമസ് ചാണ്ടി സ്ഥലം കയ്യേറിയെന്ന ആരോപണങ്ങളെ തള്ളി സി.പി.എം സംസ്ഥാന ​െസക്രട്ടറി  കോടിയേരി ബാലകൃഷ്​ണൻ. മന്ത്രിക്കെതിരെ ഉയർന്നിരിക്കുന്ന ആരോപണങ്ങൾ തികച്ചും രാഷ്ട്രീയ പ്രേരിതമാണ്​. അദ്ദേഹത്തിനെതിരെ ഇപ്പോൾ ഉയർന്നു വരുന്ന ആരോപണങ്ങൾ എന്തുകൊണ്ട് മുമ്പ്​ ഉന്നയിച്ചില്ലെന്നും കോടിയേരി ചോദിച്ചു.

തോമസ് ചാണ്ടി മന്ത്രി ആയതിനു ശേഷമാണ് ഇത്തരം ആരോപണങ്ങൾ ഉയർന്ന് വന്നത്. ഇതു തന്നെ സംഭവത്തിനു പിന്നിൽ രാഷ്ട്രീയ താൽപര്യമുണ്ട് എന്ന് വെളിവാക്കുന്നുണ്ടെന്നും കോടിയേരി ചൂണ്ടിക്കാട്ടി.