Representational image
മറയൂർ: മാസ്ക് ധരിക്കാത്തത് ചോദ്യം ചെയ്ത പൊലീസ് ഉദ്യോഗസ്ഥരെ കല്ലുകൊണ്ട് ഇടിച്ച് പരിക്കേൽപിച്ചു. മറയൂർ സ്റ്റേഷനിലെ ഇൻസ്പെക്ടർ രതീഷ്, സി.പി.ഒ അജീഷ് പോൾ എന്നിവർക്കാണ് പരിക്ക്. അജീഷിെൻറ പരിക്ക് ഗുരുതരമാണ്. സംഭവത്തിൽ കോവിൽകടവ് സ്വദേശി സുലൈമാനെ (26) അറസ്റ്റ് ചെയ്തു. ചൊവ്വാഴ്ച രാവിലെ പത്തോടെ കോവിൽകടവ് ഭാഗത്ത് വാഹന പരിശോധനക്കിടെയാണ് സംഭവം.
കോവിൽകടവ് ഓട്ടോ സ്റ്റാൻഡ് ഭാഗത്തുനിന്ന സുലൈമാനെ പൊലീസ് ഉദ്യോഗസ്ഥർ മാസ്ക് വെക്കാത്തതിനെത്തുടർന്ന് ചോദ്യം ചെയ്തപ്പോൾ അസഭ്യം പറയുകയായിരുന്നു. അടുത്തെത്തി കാര്യം തിരക്കിയ ഇൻസ്പെക്ടർ രതീഷിനെ സമീപത്തുകിടന്ന കല്ലെടുത്ത് തലക്കടിച്ചു. തടയാനെത്തിയ സി.പി.ഒ അജീഷ് പോളിനെയും കല്ലുകൊണ്ട് തലയിൽ മർദിച്ചു. തുടർന്ന് മറ്റ് പൊലീസുകാർ ചേർന്ന് കീഴ്പ്പെടുത്തുകയായിരുന്നു. കോടതിയിൽ ഹാജരാക്കി.
പരിക്കേറ്റ രണ്ട് പൊലീസ് ഉദ്യോഗസ്ഥരെയും മറയൂർ സാമൂഹികാരോഗ്യ കേന്ദ്രത്തിൽ പ്രാഥമിക ചികിത്സക്കുശേഷം വിദഗ്ധ ചികിത്സക്ക് എറണാകുളത്തേക്ക് മാറ്റി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.