പോക്സോ കേസുകൾ: ശിക്ഷയുറപ്പിക്കാൻ നിർദേശങ്ങളുമായി പൊലീസ്

കോ​ട്ട​യം: പോ​ക്​​സോ കേ​സു​ക​ളി​ൽ അ​തി​ജീ​വി​ത കൂ​റു​മാ​റി​യാ​ൽ മു​മ്പ്​ ന​ൽ​കി​യ ന​ഷ്ട​പ​രി​ഹാ​രം തി​രി​കെ പി​ടി​ക്ക​ണ​മെ​ന്നും ഇ​ര​യു​ടെ​യും പ്ര​ധാ​ന സാ​ക്ഷി​ക​ളു​ടെ​യും ര​ഹ​സ്യ​മൊ​ഴി രേ​ഖ​പ്പെ​ടു​ത്ത​ണ​മെ​ന്നും പൊ​ലീ​സി​ന്‍റെ ശി​പാ​ർ​ശ. പോ​ക്​​സോ കേ​സു​ക​ളി​ൽ ശി​ക്ഷ​യു​റ​പ്പി​ക്കാ​ൻ ക്ര​മ​സ​മാ​ധാ​ന ചു​മ​ത​ല​യു​ള്ള എ.​ഡി.​ജി.​പി മ​നു​ഷ്യാ​വ​കാ​ശ ക​മീ​ഷ​ന്​ ന​ൽ​കി​യ ശി​പാ​ർ​ശ​ക​ളി​ലാ​ണ്​ ഇ​ക്കാ​ര്യം ചൂ​ണ്ടി​ക്കാ​ട്ടി​യി​ട്ടു​ള്ള​ത്.

പോ​ക്സോ കേ​സു​ക​ളി​ൽ ശി​ക്ഷാ​നി​ര​ക്ക് കു​റ​യാ​ൻ കാ​ര​ണ​മാ​കു​ന്ന പാ​ളി​ച്ച​ക​ൾ അ​ക്ക​മി​ട്ടു​ള്ള വി​ശ​ദ റി​പ്പോ​ർ​ട്ടാ​ണ് എ.​ഡി.​ജി.​പി സ​മ​ർ​പ്പി​ച്ച​ത്. വി​ചാ​ര​ണ വേ​ള​യി​ൽ അ​തി​ജീ​വി​ത​യും സാ​ക്ഷി​ക​ളും മൊ​ഴി മാ​റ്റു​ന്ന​താ​ണ്​ പ​ല കേ​സി​ലും പ്ര​തി​ക​ൾ ര​ക്ഷ​പ്പെ​ടാ​ൻ കാ​ര​ണ​മാ​യി പൊ​ലീ​സ്​ ചൂ​ണ്ടി​ക്കാ​ട്ടു​ന്ന​ത്. പ​ല​പ്പോ​ഴും പൊ​ലീ​സി​ന്‍റെ വീ​ഴ്ച​യാ​യി ഇ​ത്​ വ്യാ​ഖ്യാ​നി​ക്ക​പ്പെ​ടു​ന്ന നി​ർ​ഭാ​ഗ്യ​ക​ര​മാ​യ സാ​ഹ​ച​ര്യ​മു​ണ്ടെ​ന്നും റി​പ്പോ​ർ​ട്ടി​ലു​ണ്ട്. എ.​ഡി.​ജി.​പി​യു​ടെ റി​പ്പോ​ർ​ട്ട് തു​ട​ർ ന​ട​പ​ടി​ക​ൾ​ക്കാ​യി മ​നു​ഷ്യാ​വ​കാ​ശ ക​മീ​ഷ​ൻ ഹൈ​കോ​ട​തി ര​ജി​സ്ട്രാ​ർ​ക്കും ആ​ഭ്യ​ന്ത​ര വ​കു​പ്പ് അ​ഡീ​ഷ​ന​ൽ ചീ​ഫ് സെ​ക്ര​ട്ട​റി​ക്കും അ​യ​ച്ചു.

പ്ര​തി​ക​ൾ ര​ക്ഷ​പ്പെ​ടാ​നു​ള്ള കാ​ര​ണ​ങ്ങ​ളാ​യി റി​പ്പോ​ർ​ട്ടി​ൽ ചൂ​ണ്ടി​ക്കാ​ട്ടി​യി​ട്ടു​ള്ള​ത്​

● വി​ചാ​ര​ണ വേ​ള​യി​ൽ അ​തി​ജീ​വി​ത​യും സാ​ക്ഷി​ക​ളും പ്ര​തി​ക്ക്​ അ​നു​കൂ​ല​മാ​യി മൊ​ഴി മാ​റ്റു​ന്നു

● അ​തി​ജീ​വി​ത​യും ബ​ന്ധു​ക്ക​ളും കോ​ട​തി​ക്ക് പു​റ​ത്ത് പ്ര​തി​യി​ൽ​നി​ന്ന് പ​ണ​വും ആ​നു​കൂ​ല്യ​ങ്ങ​ളും കൈ​പ്പ​റ്റി കേ​സ് തീ​ർ​പ്പാ​ക്കു​ന്നു

● കേ​സ​ന്വേ​ഷ​ണം പൂ​ർ​ത്തി​യാ​ക്കു​ന്ന​തി​ലു​ണ്ടാ​കു​ന്ന കാ​ല​താ​മ​സം

● പ്ര​തി​ക്കെ​തി​രെ തെ​ളി​വു​ക​ൾ ശേ​ഖ​രി​ക്കു​ന്ന​തി​ലു​ണ്ടാ​കു​ന്ന വീ​ഴ്ച

● മേ​ലു​ദ്യോ​ഗ​സ്ഥ​രി​ൽ​നി​ന്ന്​ അ​ന്വേ​ഷ​ണ വേ​ള​യി​ലും വി​ചാ​ര​ണ വേ​ള​യി​ലും മേ​ൽ​നോ​ട്ട​ത്തി​ലു​ണ്ടാ​കു​ന്ന വീ​ഴ്ച

● കേ​സ്​ ന​ട​പ​ടി​ക​ൾ പൂ​ർ​ത്തി​യാ​ക്കു​ന്ന​തി​ലെ കാ​ല​താ​മ​സം

നി​ർ​ദേ​ശ​ങ്ങ​ൾ

● മൊ​ഴി മാ​റ്റു​ന്ന​ത് ഒ​ഴി​വാ​ക്കാ​ൻ അ​തി​ജീ​വി​ത​യു​ടെ​യും പ്ര​ധാ​ന സാ​ക്ഷി​ക​ളു​ടെ​യും സി.​ആ​ർ.​പി.​സി 164 പ്ര​കാ​രം ര​ഹ​സ്യ​മൊ​ഴി രേ​ഖ​പ്പെ​ടു​ത്ത​ണം

● അ​തി​ജീ​വി​ത കൂ​റു​മാ​റി​യാ​ൽ നേ​ര​ത്തേ ന​ൽ​കി​യ ന​ഷ്ട​പ​രി​ഹാ​രം തി​രി​ച്ചു​പി​ടി​ക്ക​ണം

● അ​തി​ജീ​വി​ത​യു​ടെ ബ​ന്ധു​ക്ക​ൾ പ്ര​തി​യാ​കു​ന്ന കേ​സി​ൽ ഇ​ര​യെ സു​ര​ക്ഷി​ത​മാ​യി പാ​ർ​പ്പി​ക്ക​ണം

● അ​തി​ജീ​വി​ത​യെ വി​ക്ടിം ലെ​യ്സ​ൻ ഓ​ഫി​സ​ർ സ്ഥി​ര​മാ​യി സ​ന്ദ​ർ​ശി​ക്ക​ണം

● കു​റ്റ​കൃ​ത്യം തെ​ളി​യി​ക്കാ​ൻ വാ​ക്കാ​ലു​ള്ള തെ​ളി​വു​ക​ളെ​ക്കാ​ൾ സാ​ഹ​ച​ര്യ / ശാ​സ്ത്രീ​യ തെ​ളി​വു​ക​ൾ ക​ണ്ടെ​ത്തി കു​റ്റ​കൃ​ത്യം ന​ട​ന്നെ​ന്ന്​ ഉ​റ​പ്പി​ക്ക​ണം

● കു​റ്റ​പ​ത്രം സ​മ​ർ​പ്പി​ക്കും മു​മ്പ് ച​ർ​ച്ച ന​ട​ത്തി തെ​ളി​വു​ക​ളു​ടെ പ്ര​സ​ക്തി​യെ​ക്കു​റി​ച്ച് നി​യ​മോ​പ​ദേ​ശം വാ​ങ്ങ​ണം

● കെ​മി​ക്ക​ൽ എ​ക്സാ​മി​നേ​ഷ​ൻ ഫ​ലം, സീ​ൻ​പ്ലാ​ൻ, ജ​ന​ന സ​ർ​ട്ടി​ഫി​ക്ക​റ്റ്, വൈ​ദ്യ​പ​രി​ശോ​ധ​ന സ​ർ​ട്ടി​ഫി​ക്ക​റ്റ് എ​ന്നി​വ സ​മ​യ​ബ​ന്ധി​ത​മാ​യി ശേ​ഖ​രി​ച്ച് കു​റ്റ​പ​ത്ര​ത്തി​നൊ​പ്പം സ​മ​ർ​പ്പി​ക്ക​ണം

● ഇ​ര​യെ പ്ര​തി സ്വാ​ധീ​നി​ക്കാ​ൻ ശ്ര​മി​ച്ചാ​ൽ അ​ക്കാ​ര്യം കോ​ട​തി​യെ അ​റി​യി​ക്ക​ണം

● പോ​ക്​​സോ കേ​സു​ക​ൾ കൈ​കാ​ര്യം ചെ​യ്യു​ന്ന​ത്​ സം​ബ​ന്ധി​ച്ച്​ പൊ​ലീ​സ് ആ​സ്ഥാ​ന​ത്തു​നി​ന്നു​ള്ള 2021ലെ ​സ​ർ​ക്കു​ല​ർ കൃ​ത്യ​മാ​യി പാ​ലി​ക്ക​ണം

● പ്ര​തി​മാ​സ ക്ര​മ​സ​മാ​ധാ​ന അ​വ​ലോ​ക​ന യോ​ഗ​ത്തി​ൽ ജി​ല്ല പൊ​ലീ​സ് മേ​ധാ​വി​ക​ൾ പോ​ക്സോ കേ​സു​ക​ളു​ടെ അ​ന്വേ​ഷ​ണ പു​രോ​ഗ​തി വി​ല​യി​രു​ത്ത​ണം

● അ​ന്വേ​ഷ​ണ ഉ​ദ്യോ​ഗ​സ്ഥ​ർ ശേ​ഖ​രി​ച്ച തെ​ളി​വു​ക​ൾ പോ​ക്സോ കേ​സു​ക​ളു​ടെ ജി​ല്ല നോ​ഡ​ൽ ഓ​ഫി​സ​ർ സൂ​ക്ഷ്മ​പ​രി​ശോ​ധ​ന ന​ട​ത്ത​ണം

● പോ​ക്സോ കോ​ട​തി​യി​ൽ വി​ചാ​ര​ണ ന​ട​പ​ടി​ക​ളി​ൽ സ​ഹാ​യി​ക്കാ​ൻ പോ​ക്സോ നി​യ​മ​ത്തി​ൽ പ​രി​ജ്ഞാ​ന​മു​ള്ള വ​നി​ത പൊ​ലീ​സ് ഉ​ദ്യോ​ഗ​സ്ഥ​യെ സ്ഥി​രം സ​ഹാ​യി​യാ​യി നി​യോ​ഗി​ക്ക​ണം