ഇന്ധന വില ഇന്നും കൂട്ടി; പെട്രോൾ 90ലേക്ക്

തിരുവനന്തപുരം: സാധാരണക്കാരുടെ കൈപൊള്ളിച്ച് പെട്രോൾ, ഡീസൽ വില വർധനവ് തുടരുന്നു. ഇന്ന് ഡീസലിന് 37 പൈസ, പെട്രോളിന് 35 പൈസ എന്നിങ്ങനെയാണ് കൂടിയത്.

എറണാകുളത്ത് പെട്രോളിന് ലിറ്ററിന് 87.46 രൂപയാണ് ഇന്നത്തെ വില. ഡീസലിന് 81.72 ആയി. തിരുവനന്തപുരത്ത് പെട്രോളിന് 89.18 രൂപ ആയി. ഡീസൽ വില 83.33 രൂപയായും വർധിച്ചു. ഗ്രാമീണ മേഖലകളിൽ പലയിടത്തും പെട്രോൾ വില 90ലെത്തി. 

ഫെബ്രുവരിയിൽ ഇന്ധനവില കൂട്ടുന്നത് ഇത് അഞ്ചാം തവണയാണ്. എട്ട് മാസത്തിനിടെ 16 രൂപ വീതമാണ് പെട്രോളിനും ഡീസലിനും വർധിപ്പിച്ചത്.