പത്തനംതിട്ട: ശാരീരികമായി ഉപദ്രവിക്കപ്പെട്ട അഞ്ചര വയസുള്ള കുട്ടിയെ വൈദ്യപരിശോധനക്ക് വിധേയമാക്കാതിരുന്ന വനിത ഡോക്ടർമാർക്കെതിരെ കേസെടുത്തു. കോഴഞ്ചേരി ജില്ല ആശുപത്രിയിലെ ഡോ. ഗംഗ, ഡോ. ലേഖ എന്നിവക്കെതിരെ പോസ്കോ നിയമ പ്രകാരമാണ് കേസെടുത്തത്. സംഭവത്തിൽ കൃത്യവിലോപം കണ്ടെത്തിയതിനെ തുടർന്ന് ഡോക്ടർമാരെ വെള്ളിയാഴ്ച സസ്പെൻഡ് ചെയ്തിരുന്നു.
അയിരൂർ പഞ്ചായത്തിലെ കുട്ടിയെയാണ് അയൽവാസിയായ യുവാവ് ശാരീരികമായി ഉപദ്രവിച്ചത്. ഭരണകക്ഷി എം.എൽ.എയുടെ ഡ്രൈവറായി കുറച്ചുനാൾ ജോലി ചെയ്തയാളാണ് പ്രതിയെന്നതിനാൽ രക്ഷിക്കാൻ ശ്രമം നടക്കുന്നതായി ആരോപണം ഉയർന്നിരുന്നു. തുടർന്ന് വൈദ്യപരിശോധനക്ക് കുട്ടിയെ കോഴഞ്ചേരി ജില്ല ആശുപത്രിയിൽ എത്തിച്ചെങ്കിലും ഡോക്ടർമാർ തയാറായില്ല. ഇതു സംബന്ധിച്ച് പരാതി ഉയർന്നതോടെയാണ് ഡി.എം.ഒ അന്വേഷണം നടത്തിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.