കയ്പമംഗലം: ദേശീയപാത 17 കയ്പമംഗലം മൂന്നുപീടികയിൽ മിനിലോറി മരത്തിലിടിച്ച് ഡ്രൈവർ മരിച്ചു. മലപ്പുറം ഫറൂക്ക് സ്വദേശി കൊടക്കാട്ടുപറമ്പിൽ വേലായുധൻ മകൻ ജിനീഷ്(30) ആണ് മരിച്ചത്.. തിങ്കളാഴ്ച പുലർച്ചെ ഒരു മണിയോടെയായിരുന്നു അപകടം.മലപ്പുറം സാബ് ഇന്റർനാഷ്ണൽ പ്ലൈവുഡ്സിൽ നിന്നും ലോഡുമായി ആലപ്പുഴയിലേക്ക് പോയ മിനിലോറിയാണ് മൂന്നുപീടിക ഗ്ലോറി പാലസിന് മുന്നിലുള്ള മരത്തിലിടിച്ചത്.
നാട്ടുകാരും പോലീസും ചേർന്ന് വാഹനത്തിനുള്ളിൽ കുടുങ്ങിയ ഡ്രൈവറെ പുറത്തെടുക്കാൻ ശ്രമിച്ചെങ്കിലും നടന്നില്ല. പിന്നീട് ഫയർഫോഴ്സ് എത്തി വാഹനം വെട്ടി പൊളിച്ചാണ് പുറത്തെടുത്തത്. ഡ്രൈവർ ഉറങ്ങിയതാണ് അപകട കാരണം. മ്യതദേഹം കൊടുങ്ങല്ലൂർ താലൂക്ക് ആശുപത്രിയിൽ. മതിലകം പോലീസ് മേൽനടപടികൾ സ്വീകരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.