തിരുവനന്തപരും: ഓഖി ചുഴലിക്കാറ്റിന്റെ ശക്തി കൂടുന്നു. അതിതീവ്ര ചുഴലിക്കാറ്റായാണ് ഓഖി ലക്ഷദ്വീപിലേക്കു നീങ്ങുന്നത്. ദ്വീപുകളിൽ അതീവ ജാഗ്രതാ നിര്ദേശം നല്കിയിട്ടുണ്ട്. ഓഖി ചുഴലിക്കാറ്റിന്റെ പശ്ചാത്തലത്തില് കേരള തീരത്തിനു പത്തു കിലോമീറ്റര് അകലെവരെ കടലില് ഭീമന് തിരമാലയ്ക്ക് സാധ്യതയുണ്ടെന്ന് കാലാവസ്ഥാ കേന്ദ്രവും ഇന്ത്യന് നാഷണല് സെന്റര് ഫോര് ഓഷന് ഇന്ഫര്മേഷന് സര്വീസും അറിയിച്ചു.
കൊല്ലം, ആലപ്പുഴ, കൊച്ചി, തൃശൂര് ജില്ലകളില് 4.4 മീറ്റര് മുതല് 6.1 മീറ്റര് വരെ തിരയുയരും. തിരുവനന്തപുരം, കൊല്ലം, പത്തനംതിട്ട, ഇടുക്കി, കോട്ടയം, ആലപ്പുഴ, എറണാകുളം ജില്ലകളിലെ നദികളില് അടുത്ത 24 മണിക്കൂറില് ജലനിരപ്പുയരുമെന്നതിനാല് ജാഗ്രത പാലിക്കണമെന്ന് കേന്ദ്ര ജല കമ്മീഷന്റെ ഫ്ളഡ് ഫോര്കാസ്റ്റ് മോണിറ്ററിങ് ഡയറക്ടറേറ്റ് അറിയിച്ചു.
കേരളാ തീരത്ത് വിഴിഞ്ഞം മുതല് കാസര്കോട് വരെ ഡിസംബര് രണ്ട് രാത്രി 11.30 വരെ രണ്ടു മുതല് 3.3 മീറ്റര് ഉയരത്തില് തിരമാലയുണ്ടാവും. ലക്ഷദ്വീപ്, തെക്കന് തമിഴ്നാട് എന്നിവിടങ്ങളിലും സമാന പ്രതിഭാസമുണ്ടാവുമെന്ന് അറിയിപ്പില് വ്യക്തമാക്കുന്നു. കേരളത്തില് വിവിധ സ്ഥലങ്ങളില് അടുത്ത 24 മണിക്കൂര് മഴയുണ്ടാവും. 45 മുതല് 65 കിലോമീറ്റര് വരെ വേഗതയില് കാറ്റിനും സാധ്യതയുണ്ട്. ഡിസംബര് മൂന്നു വരെ ഉയര്ന്ന തിരമാലക്ക് സാധ്യതയുണ്ടെന്നാണ് അറിയിപ്പ്.
ഒാഖി ചുഴലിക്കാറ്റ് സഞ്ചരിക്കാൻ സാധ്യതയുള്ള ദിശ
Check out the possible track of very severe #CycloneOckhi. The system may intensify further in the next 24 hours. #OckhiCyclone #Ockhi @IndianExpress @htTweets @TOIIndiaNews @the_hindu pic.twitter.com/RkPYycnF9a
— SkymetWeather (@SkymetWeather) December 2, 2017
സംസ്ഥാനത്തെ ഒന്പത് ജില്ലകളിലെ തീരമേഖലയില് ഡിസംബര് രണ്ടിന് കനത്ത തിരമാലയ്ക്ക് സാധ്യതയുണ്ടെന്ന് കാലാവസ്ഥാ കേന്ദ്രവും ഇന്ത്യന് നാഷണല് സെന്റര് ഫോര് ഓഷന് ഇന്ഫര്മേഷന് സര്വീസും അറിയിച്ചു. തിരുവനന്തപുരം, കൊല്ലം, ആലപ്പുഴ, കൊച്ചി, തൃശൂര്, മലപ്പുറം, കോഴിക്കോട്, കണ്ണൂര്, കാസര്കോട് ജില്ലകളിലാണ് മുന്നറിയിപ്പ്. തിരുവനന്തപുരം, കൊല്ലം, കൊച്ചി, ആലപ്പുഴ, തൃശൂര്, മലപ്പുറം ജില്ലകളില് പുലര്ച്ചെ 5.30ഓടെയും കോഴിക്കോട്, കണ്ണൂര്, കാസര്കോട് ജില്ലകളില് രാവിലെ 11.30ഓടെയും വലിയ തിരമാലയ്ക്ക് സാധ്യതയുണ്ടെന്നാണ് അറിയിച്ചിരിക്കുന്നത്. 2.6 മീറ്റര് മുതല് 5.4 മീറ്റര് വരെ തിരമാലയുയുരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.