ഉ​ദ്യോ​ഗാ​ർ​ഥി​ക​ളു​ടെ ഒാ​ൺ​ലൈ​ൻ അ​പേ​ക്ഷ കാ​ണാ​താ​യ സം​ഭ​വ​ം: പി.​എ​സ്.​സി​ക്ക് വീ​ഴ്ച സം​ഭ​വി​ച്ചി​ട്ടി​ല്ലെ​ന്ന റി​പ്പോ​ർ​ട്ട് ത​ള്ളി

തി​രു​വ​ന​ന്ത​പു​രം: പ്രൈ​മ​റി സ്കൂ​ൾ അ​ധ്യാ​പ​ക ത​സ്തി​ക​യി​ലേ​ക്ക് (എ​ൽ.​പി.​എ​സ്.​എ, യു.​പി.​എ​സ്.​എ) അ​പേ​ക്ഷി​ച്ച നൂ​റു​ക​ണ​ക്കി​ന് ഉ​ദ്യോ​ഗാ​ർ​ഥി​ക​ളു​ടെ ഒാ​ൺ​ലൈ​ൻ അ​പേ​ക്ഷ കാ​ണാ​താ​യ സം​ഭ​വ​ത്തി​ൽ പി.​എ​സ്.​സി​ക്ക് വീ​ഴ്ച സം​ഭ​വി​ച്ചി​ട്ടി​ല്ലെ​ന്ന സാ​ങ്കേ​തി​ക​സ​മി​തി റി​പ്പോ​ർ​ട്ട് ക​മീ​ഷ​ൻ ത​ള്ളി. സാ​ങ്കേ​തി​ക പി​ഴ​വി​ല്ലെ​ങ്കി​ൽ എ​ങ്ങ​നെ ഒ​രു ത​സ്തി​ക​ക്ക് മാ​ത്രം ഇ​ത്ര​യേ​റെ പ​രാ​തി​ക​ൾ വ​ന്നെ​ന്ന ക​മീ​ഷ​ൻ അം​ഗ​ങ്ങ​ളു​ടെ ചോ​ദ്യ​ത്തി​ന് റി​പ്പോ​ർ​ട്ടി​ൽ വ്യ​ക്ത​മാ​യ ഉ​ത്ത​ര​മി​ല്ലാ​ത്ത സാ​ഹ​ച​ര്യ​ത്തി​ലാ​ണ് ന​ട​പ​ടി. കൂ​ടാ​തെ പ​രാ​തി​ക്കാ​രാ​യ ഓ​രോ ഉ​ദ്യോ​ഗാ​ർ​ഥി​യു​ടെ​യും പ്രൊ​ഫൈ​ൽ പ​രി​ശോ​ധി​ച്ച് കൂ​ടു​ത​ൽ വ്യ​ക്ത​മാ​യ റി​പ്പോ​ർ​ട്ട് സ​മ​ർ​പ്പി​ക്കാ​നും തി​ങ്ക​ളാ​ഴ്ച ചേ​ർ​ന്ന യോ​ഗം പി.​എ​സ്.​സി സെ​ക്ര​ട്ട​റി​ക്ക് നി​ർ​ദേ​ശം ന​ൽ​കി.

പി.​എ​സ്.​സി​യി​ലെ സി​സ്​​റ്റം മാ​നേ​ജ​ർ ന​ൽ​കി​യ റി​പ്പോ​ർ​ട്ടി​ൽ ആ​ശ​യ​ക്കു​ഴ​പ്പം നി​ല​നി​ന്ന​തി​നെ തു​ട​ർ​ന്നാ​ണ് ഈ ​മാ​സം ഏ​ഴി​ന് പു​റ​ത്തു​നി​ന്നു​ള്ള സാ​ങ്കേ​തി​ക വി​ദ​ഗ്ധ​രെ പ​രാ​തി അ​ന്വേ​ഷി​ക്കാ​ൻ ക​മീ​ഷ​ൻ നി​യോ​ഗി​ച്ച​ത്. എ​ന്നാ​ൽ, സ​മ​യ​ക്കു​റ​വു​മൂ​ലം എ​ല്ലാ​വ​രു​ടെ​യും പ്രൊ​ഫൈ​ൽ പ​രി​ശോ​ധി​ക്കാ​ൻ ഇ​വ​ർ​ക്കാ​യി​ല്ല. ഏ​താ​നും ചി​ല​രു​ടെ പ്രൊ​ഫൈ​ൽ പ​രി​ശോ​ധി​ച്ച് ക​ഴി​ഞ്ഞ വെ​ള്ളി​യാ​ഴ്ച ചെ​യ​ർ​മാ​ന് റി​പ്പോ​ർ​ട്ട് സ​മ​ർ​പ്പി​ക്കു​ക​യാ​യി​രു​ന്നു.

എ​ന്നാ​ൽ, ഇ​ത്​ പോ​രെ​ന്നും ഭാ​വി​യി​ൽ നി​യ​മ​ന​ട​പ​ടി​ക​ളി​ലേ​ക്ക് പോ​യാ​ൽ കോ​ട​തി​യി​ൽ ബോ​ധി​പ്പി​ക്കാ​ൻ വ്യ​ക്ത​മാ​യ ഉ​ത്ത​രം പി.​എ​സ്.​സി​ക്ക് വേ​ണ​മെ​ന്നും അം​ഗ​ങ്ങ​ൾ ചൂ​ണ്ടി​ക്കാ​ട്ടി. ഇ​തോ​ടെ 150ഓ​ളം ഉ​ദ്യോ​ഗാ​ർ​ഥി​ക​ളു​ടെ പ​രാ​തി​ക​ൾ പി.​എ​സ്.​സി ഉ​ദ്യോ​ഗ​സ്ഥ​രു​ടെ മേ​ൽ​നോ​ട്ട​ത്തി​ൽ വീ​ണ്ടും വി​ദ​ഗ്ധ​ർ പ​രി​ശോ​ധി​ക്കും. ജേ​ണ​ലി​സം ഹ​യ​ര്‍സെ​ക്ക​ൻ​ഡ​റി അ​ധ്യാ​പ​ക നി​യ​മ​ന​ത്തി​ന് ബി.​എ​ഡ് ഇ​ല്ലാ​ത്ത​വ​രെ പ​രി​ഗ​ണി​ക്കേ​ണ്ട​തി​ല്ലെ​ന്ന് പി.​എ​സ്.​സി യോ​ഗം ധാ​ര​ണ​യി​ലെ​ത്തി.

വി​വി​ധ വി​ഷ​യ​ങ്ങ​ളി​ല്‍ ബി.​എ​ഡ് ഉ​ള്ള​വ​ര്‍ മ​റ്റ് യോ​ഗ്യ​ത​ക​ളു​മാ​യി ധാ​രാ​ള​മു​ള്ള​പ്പോ​ള്‍ അ​തി​ല്ലാ​ത്ത​വ​രെ പ​രി​ഗ​ണി​ക്ക​ണ​മെ​ന്നി​ല്ല. വി​ശേ​ഷാ​ല്‍ച​ട്ട​ത്തി​ല്‍ ഇ​ക്കാ​ര്യം വ്യ​ക്ത​മാ​ണെ​ന്നും ക​മീ​ഷ​ന്‍ യോ​ഗം വി​ല​യി​രു​ത്തി. ജേ​ണ​ലി​സ​ത്തി​ലോ ഇ​ത​ര​വി​ഷ​യ​ത്തി​ലോ ബി.​എ​ഡ് ഉ​ള്ള​വ​രു​ടെ അ​ഭാ​വ​ത്തി​ല്‍ മാ​ത്ര​മേ അ​തി​ല്ലാ​ത്ത​വ​രെ പ​രി​ഗ​ണി​ക്കേ​ണ്ട​തു​ള്ളൂ എ​ന്നാ​ണ് ച​ട്ട​ത്തി​ലെ വ്യ​വ​സ്ഥ.

മു​ഖ്യ​പ​ട്ടി​ക​യി​ല്‍ ആ​ളി​ല്ലാ​ത്ത​തി​നാ​ല്‍ കാ​ലാ​വ​ധി​ക്ക് മു​മ്പ് റ​ദ്ദാ​യ ചി​ല ജി​ല്ല​ക​ളി​ലെ എ​ല്‍.​പി സ്‌​കൂ​ള്‍ അ​ധ്യാ​പ​ക റാ​ങ്ക്പ​ട്ടി​ക വി​പു​ലീ​ക​രി​ക്കേ​ണ്ട​തി​ല്ലെ​ന്ന് ക​മീ​ഷ​ന്‍ തീ​രു​മാ​നി​ച്ചു. ഒ​ഴി​വു​ക​ള്‍ ബാ​ക്കി​യു​ള്ള​തി​നാ​ല്‍ റാ​ങ്ക്പ​ട്ടി​ക​യി​ല്‍ കൂ​ടു​ത​ല്‍ ആ​ളു​ക​ളെ ഉ​ള്‍പ്പെടു​ത്തു​ന്ന​ത് പ​രി​ഗ​ണി​ക്ക​ണ​മെ​ന്ന് കോ​ട​തി നി​ർ​ദേ​ശ​മു​ണ്ടാ​യി​രു​ന്നു.