നെന്മാറ ഇരട്ടക്കൊലക്കേസ്: പൊലീസ് സ്റ്റേഷന് മുൻപിൽ പ്രതിഷേധിച്ച 14 പേർക്കെതിരെ കേസ്

പാലക്കാട്: നെൻമാറ ഇരട്ടക്കൊലപാതകത്തെ തുടർന്ന് പൊലീസ് സ്റ്റേഷന് മുൻപിൽ പ്രതി​േഷധിച്ചവർക്കെതിരെ കേസെടുത്തു. പൊലീസ് സ്റ്റേഷന് മുന്നിൽ പ്രതിഷേധിച്ച കണ്ടാലറിയാവുന്ന 14 പേർക്കെതിരെയാണ് കേസെടുത്തിരിക്കുന്നത്. പൊതുമുതൽ നശിപ്പിച്ചതിനും പൊലീസ് സ്റ്റേഷന്റെ ​ഗേറ്റും കവാടവും തകർത്തതിനാണ് കേസ്. സി.സി.ടി.വി ദൃശ്യങ്ങള്‍ പരിശോധിച്ചതിന് ശേഷമാണ് കേസ് എടുത്തിരിക്കുന്നത്.

ഇതിനിടെ, പ്ര​തി​ ചെന്താമരയെ പു​റ​ത്തു​വി​ടാ​തി​രി​ക്കാ​ൻ വേ​ണ്ട ന​ട​പ​ടി സ്വീകരിക്കാനാണ് പൊ​ലീ​സ് ശ്രമിക്കുന്നത്. വി​ചാ​ര​ണ അ​തി​വേ​ഗം ന​ട​ത്തി ശി​ക്ഷ ഉ​റ​പ്പാ​ക്കാനാണ് തീരുമാനം. ഇ​നി​യും കു​റെ കാ​ര്യ​ങ്ങ​ൾ സ്ഥി​രീ​ക​രി​ക്കാ​നു​ണ്ട്. പ്ര​തി പ​ല​തും വെ​ളി​പ്പെ​ടു​ത്തി​യി​ട്ടു​ണ്ട്. കൊ​ല ന​ട​ന്ന​ത് രാ​വി​ലെ പ​ത്തി​നാ​ണ്. കൊ​ല ചെ​യ്ത​ശേ​ഷം സ്വ​ന്തം വീ​ട്ടി​ലെ​ത്തി. പി​ന്നീ​ട് മ​ല​യു​ടെ ഭാ​ഗ​ത്തേ​ക്കു പോ​യി. ര​ണ്ടു ദി​വ​സം അ​വി​ടെ നി​ന്നു. പൊ​ലീ​സി​ന്റെ പ​രി​ശോ​ധ​ന ഇ​യാ​ൾ നി​രീ​ക്ഷി​ച്ചു​വ​രു​ക​യാ​യി​രു​ന്നു.

ഭ​ക്ഷ​ണം കി​ട്ടാ​ത്ത​താ​ണ് പ്ര​തി താ​ഴെ വ​രാ​ൻ കാ​ര​ണം.‍ ജാ​മ്യ​ത്തി​ലി​റ​ങ്ങി​യ​ശേ​ഷം പാ​റ​മ​ട​യി​ലെ സെ​ക്യൂ​രി​റ്റി ജോ​ലി​യാ​യി​രു​ന്നു. ര​ണ്ടു മാ​സം മു​മ്പ് ഈ ​ജോ​ലി ന​ഷ്ട​പ്പെ​ട്ടു. അ​തി​നു​ശേ​ഷ​മാ​ണ് നാ​ട്ടി​ലേ​ക്കു വ​ന്ന​ത്. പു​തി​യ ജോ​ലി കി​ട്ടി​യ​ശേ​ഷം ഇ​വി​ടെ​നി​ന്ന് പോ​കാ​നാ​യി​രു​ന്നു തീ​രു​മാ​നം. പ്ര​തി​ക്ക് മൂ​ന്ന് ഫോ​ൺ ഉ​ണ്ടെ​ന്നും എ​സ്.​പി അ​ജി​ത് കു​മാ​ർ പ​റ​ഞ്ഞു.

ഇ​ര​ട്ട​ക്കൊ​ല ആ​സൂ​ത്രി​ത​മാ​ണെ​ന്ന് തന്നെയാണ് പൊലീസിന്റെ ‍പ്രാ​ഥ​മി​ക നി​ഗ​മ​നം. ചെ​ന്താ​മ​ര ആ​യു​ധ​ങ്ങ​ൾ നേ​ര​ത്തേ വാ​ങ്ങി സൂ​ക്ഷി​ച്ചി​രു​ന്നു. എ​വി​ടെ​നി​ന്നാ​ണ് ആ​യു​ധം വാ​ങ്ങി​യ​ത് എ​ന്ന​തു​ൾ​പ്പെ​ടെ​യു​ള്ള കാ​ര്യ​ങ്ങ​ൾ തെ​ളി​വെ​ടു​പ്പി​ലേ വ്യ​ക്ത​മാ​കൂ. ക​ടു​വ​യെ​​പ്പോ​ലെ പ​തി​ഞ്ഞി​രു​ന്ന് വ്യ​ക്ത​മാ​യ ആ​സൂ​ത്ര​​ണ​ത്തോ​ടെ​യാ​ണ് ചെ​ന്താ​മ​ര കൃ​ത്യം നി​ർ​വ​ഹി​ച്ച​ത്. ചെ​യ്യു​ന്ന കാ​ര്യ​ങ്ങ​ൾ ആ​ത്മ​വി​ശ്വാ​സ​ത്തോ​ടെ​യും കൃ​ത്യ​മാ​യും ന​ട​പ്പാ​ക്കാ​ൻ അ​യാ​ൾ​ക്ക​റി​യാം. കു​റ്റ​കൃ​ത്യ​ത്തി​ൽ പ്ര​തി​ക്ക് കു​റ്റ​ബോ​ധ​മി​ല്ല. കൃ​ത്യം ന​ട​ത്തി​യ​തി​ൽ സ​ന്തോ​ഷ​വാ​നു​മാ​ണ്. കൂ​ടു​ത​ൽ പേ​രെ ഇ​യാ​ൾ ല​ക്ഷ്യ​മി​ട്ടി​രു​ന്നോ എ​ന്ന് സ്ഥി​രീ​ക​രി​ക്കാ​നാ​യി​ട്ടി​ല്ല.