തലശ്ശേരി: നവകേരള സദസ്സിന്റെ ഭാഗമായി ആദ്യ മന്ത്രിസഭ യോഗം തലശ്ശേരിയിൽ ചേർന്നു. രാവിലെ ഒമ്പതിന് കൊടുവള്ളി പേൾവ്യൂ റെസിഡൻസിയിലാണ് യോഗം തുടങ്ങിയത്.
തലശ്ശേരിയുടെ ചരിത്രത്തിൽ ആദ്യമായാണ് സംസ്ഥാന മന്ത്രിസഭ യോഗം നടക്കുന്നത്. അടിയന്തര സാഹചര്യങ്ങളിൽ തലസ്ഥാനത്തു പുറത്ത് മന്ത്രിസഭ യോഗം നടക്കാറുണ്ടെങ്കിലും മുഴുവൻ അംഗങ്ങളും പങ്കെടുത്ത് നടക്കുന്ന യോഗം അപൂർവമാണ്.
ജില്ലയിലെ മൂന്നാം ദിനമായ ഇന്ന് തലശ്ശേരിയിലെ മന്ത്രിസഭ യോഗത്തിനുശേഷം 11.00ന് കൂത്തുപറമ്പ് മണ്ഡലത്തിലെ നവകേരള സദസ്സ് പാനൂർ നൂച്ചിക്കാട് മൈതാനത്ത് നടക്കും. 2.00ന് മട്ടന്നൂരിലും 3.30ന് പേരാവൂർ മണ്ഡലത്തിലെ നവകേരള സദസ്സ് ഇരിട്ടിയിലും നടക്കും. ഇതോടെ, മൂന്നുദിവസത്തെ കണ്ണൂർ പര്യടനം പൂർത്തിയാക്കി നവകേരള ബസ് വയനാട്ടിലേക്ക് തിരിക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.