തിരുവനന്തപുരം: മുസ്ലിം ലീഗിന് മൂന്ന് സീറ്റ് നൽകുന്നതിൽ തെറ്റില്ലെന്ന് കോൺഗ്രസ് എം.എൽ.എ കെ.മുരളീധരൻ. ലീഗിന് മുമ്പും മൂന്ന് സീറ്റ് നൽകിയിട്ടുണ്ട്. നിലവിലെ രാഷ്ട്രീയ സാഹചര്യത്തിൽ കോൺഗ്രസ് കൂടുതൽ സീറ്റ് നേടണമെന്നും മുരളീധരൻ പറഞ്ഞു.
സിറ്റിങ് എം.എൽ.എമാർ മൽസരിക്കുന്നതിനെ കുറിച്ച് പാർട്ടി തീരുമാനിക്കും. ഉമ്മൻചാണ്ടി ലോക്സഭയിലേക്ക് മൽസരിക്കുന്നതിനോട് വ്യക്തിപരമായി യോജിപ്പില്ല. ഫെബ്രുവരി 25നകം കോൺഗ്രസ് സ്ഥാനാർഥികളെ കുറിച്ച് തീരുമാനമുണ്ടാകുമെന്നും മുരളീധരൻ പറഞ്ഞു. കേരള കോൺഗ്രസിനും അധിക സീറ്റിന് അർഹതയുണ്ടെന്നും അദ്ദേഹം വ്യക്തമാക്കി.
ലോക്സഭ തെരഞ്ഞെടുപ്പിലേക്കുള്ള സീറ്റുനിർണയ ചർച്ചകൾക്കായി മുസ്ലിം ലീഗ് ഉന്നതാധികാര സമിതിയോഗം നടക്കുന്നുണ്ട്. മൂന്നാം സീറ്റ് സംബന്ധിച്ച് യോഗത്തിൽ ചർച്ചയുണ്ടാവുമെന്നാണ് സൂചന. അതേസമയം, കെ.പി.സി.സി പ്രസിഡൻറ് മുല്ലപ്പള്ളി രാമചന്ദ്രൻ പാണക്കാെട്ടത്തിയിരുന്നു. സീറ്റ് നിർണയ ചർച്ചകൾക്കല്ല എത്തിയതെന്നായിരുന്നു മുല്ലപള്ളിയുടെ സന്ദർശനം സംബന്ധിച്ച പ്രതികരണം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.