മട്ടാഞ്ചേരി: എറണാകുളം മട്ടാഞ്ചേരിയിൽ എ.ടി.എം തകർക്കാനുള്ള മോഷ്ടാക്കളുടെ ശ്രമം നാട്ടുകാർ പരാജയപ്പെടുത്തി. ഫോ ർട്ട് കൊച്ചി കൾവർട്ടിയിലെ സ്റ്റേറ്റ് ബാങ്ക് ഒാഫ് ഇന്ത്യയുടെ എ.ടി.എം തകർത്ത് പണം മോഷ്ടിക്കാനാണ് രണ്ടംഗ സംഘം ശ്ര മം നടത്തിയത്.
എ.ടി.എം തകർത്ത് പണം മോഷ്ടിക്കാൻ ശ്രമിച്ച രണ്ട്് അന്യ സംസ്ഥാന തൊഴിലാളികളെ നാട്ടുകാർ ഒാടിച്ചിട്ട് പിടിച്ചു. ഹരിയാന സ്വദേശി റിയാജ് ഖാൻ, രാജസ്ഥാൻ സ്വദേശി ആമീൻ എന്നിവരെയാണ് ഫോർട്ട് കൊച്ചി പൊലീസ് കസ്റ്റഡിയിലെടുത്തത്. ഇവരെ വിശദമായി ചോദ്യം ചെയ്തുവരികയാണ്.
രാവിലെ 8.50നായിരുന്നു സംഭവം. എ.ടി.എം കൗണ്ടറിലെ സി.സി.ടി.വി കാമറ പേപ്പർ കൊണ്ട് മറച്ച ശേഷം പണം സൂക്ഷിച്ചിട്ടുള്ള അറ തകർക്കാൻ മോഷ്ടാക്കൾ ശ്രമിച്ചത്. മോഷണ ശ്രമം കണ്ട തൂപ്പുകാരി ബഹളം വെക്കുകയും സുരക്ഷാ ഉദ്യോഗസ്ഥനും നാട്ടുകാരും ഒാടിക്കൂടുകയും ആയിരുന്നു. ഇതിനിടെ ഒാടി രക്ഷപ്പെട്ട മോഷ്ടാക്കളെ നാട്ടുകാർ പിന്തുടർന്ന് പിടികൂടുകയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.