ചെങ്ങന്നൂർ: ബുധനൂരിൽ ഭാര്യയെ കമ്പിവടി ഉപയോഗിച്ചു തലക്കടിച്ച് ഗുരുതര പരിക്കേൽപ്പിച്ച കേസിൽ ഗ്യാസ് ഏജൻസി ജീവനക്കാരനായ ഭർത്താവ് അറസ്റ്റിൽ. ബുധനൂർ തോണ്ടുതറയിൽ വീട്ടിൽ അനിൽകുമാറി(43)നെയാണ് മാന്നാർ പോലിസ് അറസ്റ്റ് ചെയ്തത്. കഴിഞ്ഞമാസം മുപ്പതിനാണ് ഇയാൾ ഭാര്യ ശ്രീലേഖ(38 )യെ ആക്രമിച്ചത്.
വീട്ടിൽ വെച്ച് വഴക്കുണ്ടായ ശേഷം ഭാര്യയെ ദേഹോപദ്രവം ഏൽപ്പിക്കുകയായിരുന്നു. പേടിച്ച് സഹോദരന്റെ വീട്ടിലേക്ക് ഓടിപ്പോയ ശ്രീലേഖയെ പിന്നാലെയെത്തിയ അനിൽ കമ്പി വടി കൊണ്ട് തലക്കടിക്കുകയായിരുന്നുവെന്ന് പോലീസ് പറഞ്ഞു. അടിയേറ്റുവീണ ഭാര്യയെ വീണ്ടും ഉപദ്രവിച്ചു. മർദനത്തിൽ തലക്ക് ഗുരുതര പരിക്കേൽക്കുകയും കൈയുടെ അസ്ഥിക്ക് പൊട്ടൽസംഭവിക്കുകയും ചെയ്തു.
ശ്രീലേഖ ആലപ്പുഴ വണ്ടാനം മെഡിക്കൽ കോളജ് ആശുപത്രിയിൽ ചികിൽസയിലാണ്. സംഭവത്തിന്‌ ശേഷം ഒളിവിൽ കഴിഞ്ഞിരുന്ന പ്രതിയെ കഴിഞ്ഞ ദിവസം കൊല്ലത്ത് നിന്നാണ് പൊലിസ് പിടികൂടിയത്. മാന്നാർ പൊലീസ് ഇൻസ്‌പെക്ടർ ജോസ് മാത്യുവിന്റെ നേതൃത്വത്തിൽ, എസ്.ഐ ബിജുക്കുട്ടൻ, സിവിൽ പൊലിസ് ഓഫിസർമാരായ സിദ്ധിഖുൽ അക്ബർ, സാജിദ്, ഹരിപ്രസാദ് എന്നിവരടങ്ങുന്ന സംഘമാണ് പ്രതിയെ പിടികൂടിയത്. കോടതിയിൽഹാജരാകിയ പ്രതിയെ റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.