Representational Image
മടിക്കേരി: കർണാടകയിലെ കുടകിൽ മലയാളി ദമ്പതികളെന്ന് കരുതുന്നവരും എട്ടു വയസ്സുകാരി മകളും ഹോംസ്റ്റേയിൽ മരിച്ച നിലയിൽ. ഹോംസ്റ്റേയിൽ നൽകിയ തിരിച്ചറിയൽ കാർഡിലെ വിലാസമനുസരിച്ച്‌ കൊല്ലം സ്വദേശിയായ വിനോദ് ബാബു സേനൻ (43), ഭാര്യ ജിബി അബ്രഹാം (37) എന്നിവരാണ് മരിച്ചത്.
മകളുടെ പേര് വ്യക്തമായിട്ടില്ല. മടിക്കേരിക്കടുത്ത കഗ്ഗോഡു-ബിളിഗേരിയിലെ അരേക്കാ ഹോംസ്റ്റേയിലാണ് ദമ്പതികളെ തൂങ്ങിമരിച്ച നിലയിലും മകളുടെ മൃതദേഹം മുറിയിലും കണ്ടത്. വെള്ളിയാഴ്ച വൈകീട്ട് ആറോടെയാണ് കാറിലെത്തിയ ഇവർ കോട്ടേജിൽ മുറിയെടുത്തത്. രാത്രി മൂന്നുപേരും ഭക്ഷണം കഴിച്ച് ഉറങ്ങാൻ പോകുന്നതിനുമുമ്പ് തങ്ങളോടൊപ്പം കാരംസ് കളിച്ചതായി ജീവനക്കാർ പറഞ്ഞു.
ശനിയാഴ്ച രാവിലെ 10 മണിയായിട്ടും മുറിയുടെ വാതിൽ തുറക്കാത്തതിനെ തുടർന്ന് ഹോംസ്റ്റേ ജീവനക്കാർ ജനൽ വഴി നോക്കിയപ്പോഴാണ് ദമ്പതികൾ തൂങ്ങിമരിച്ച നിലയിലും കുട്ടിയുടെ മൃതദേഹം നിലത്തും കണ്ടത്. പൊലീസ് കൊല്ലത്ത് വിവരമറിയിച്ചിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.