എം.എ. യൂസുഫലി കാന്തപുരത്തെ സന്ദർശിച്ചു; പൂർണാരോഗ്യം വീണ്ടെടുത്ത് കർമ്മ രംഗത്ത് സജീവമാവാൻ സാധിക്കട്ടെ എന്ന് ആശംസ

കോഴിക്കോട്: കാന്തപുരം എപി അബൂബക്കർ മുസ്‌ലിയാരെ വ്യവസായ പ്രമുഖനും ലുലു ഗ്രൂപ്പ് എംഡിയുമായ എംഎ യൂസുഫലി സന്ദർശിച്ചു. സുഖവിവരങ്ങൾ അന്വേഷിച്ച അദ്ദേഹം അൽപസമയം മർകസിൽ ചെലവഴിച്ചാണ് മടങ്ങിയത്. പൂർണാരോഗ്യം വീണ്ടെടുത്ത് കർമ്മ രംഗത്ത് സജീവമാവാൻ കാന്തപുരത്തിന് സാധിക്കട്ടെ എന്ന് യൂസുഫലി ആശംസിച്ചു.

സന്ദർശനത്തിൽ കാന്തപുരം സന്തോഷം രേഖപ്പെടുത്തി. മർകസിന്റെ മുന്നേത്തിൽ ഉത്സാഹിക്കുന്ന വ്യക്തിയാണ് യൂസുഫലി എന്നും അദ്ദേഹത്തിന്റെ സാന്നിധ്യവും ആരോഗ്യപരമായ നിർദേശങ്ങളും ഊർജം പകരുന്നുവെന്നും കാന്തപുരം പറഞ്ഞു.