കോട്ടയം: ബഹുജൻ നാഷനൽ പാർട്ടി (അംബേദ്കർ) ലോക്സഭ സ്ഥാനാർഥികളായി കോട്ടയത്ത് സംസ്ഥാന പ്രസിഡന്റ് പി.ഡി. അനിൽകുമാറും മാവേലിക്കരയിൽ കോട്ടയം ജില്ല പ്രസിഡന്റ് ജോബി കുന്നംപള്ളിയും മത്സരിക്കും. ദേശീയ പ്രസിഡന്റ് പ്രമോദ് കുരീൽ ആണ് വാർത്തസമ്മേളനത്തിൽ സ്ഥാനാർഥികളെ പ്രഖ്യാപിച്ചത്.
സമാന ചിന്താഗതിക്കാരായ പാർട്ടികളുമായി ചർച്ച നടത്തി വരുകയാണെന്നും അതിനുശേഷമേ കേരളത്തിലെ മറ്റ് മണ്ഡലങ്ങളിൽ സ്ഥാനാർഥികളെ പ്രഖ്യാപിക്കൂ എന്നും അദ്ദേഹം പറഞ്ഞു. മുന്നണി സംവിധാനമായ ബഹുജൻ നാഷനൽ അലയൻസിനൊപ്പമാണ് ബി.എൻ.പി തെരഞ്ഞെടുപ്പിനെ നേരിടുന്നത്.
സംസ്ഥാന കോഓഡിനേറ്റർ ജൂബി കുഴിമറ്റം, സംസ്ഥാന പ്രസിഡന്റ് പി.ഡി. അനിൽകുമാർ, വൈസ് പ്രസിഡന്റ് രാജീവ് ചെമ്പകശ്ശേരി, സംസ്ഥാന ജനറൽ സെക്രട്ടറി വിജി സുരേഷ്, സെക്രട്ടറിമാരായ റെജി ആനിക്കാട്, ബിനീഷ് ഇടുക്കി എന്നിവരും വാർത്തസമ്മേളനത്തിൽ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.