കാട്ടാന ഭീതിയൊഴിയാതെ എ​ള​മ്പി​ലേ​രി ജനവാസ മേഖല

മേ​പ്പാ​ടി: ചോ​ല​മ​ല, എ​ള​മ്പി​ലേ​രി മേ​ഖ​ല​യി​ലെ ജ​ന​വാ​സ മേ​ഖ​ല​ക​ളി​ൽ കാ​ട്ടാ​ന ഭീ​ഷ​ണി തു​ട​രു​ന്നു. ക​ഴി​ഞ്ഞ വ്യാ​ഴാ​ഴ്ച രാ​ത്രി ഒ​മ്പ​തി​ന് പൂ​ള​ക്കു​ന്ന് ഉ​ന്ന​തി​യി​ലെ അ​റു​മു​ഖ​ൻ (67) കാ​ട്ടാ​ന​യു​ടെ ആ​ക്ര​മ​ണ​ത്തി​ൽ കൊ​ല്ല​പ്പെ​ട്ടി​രു​ന്നു. തു​ട​ർ​ന്ന്, കൊ​ല​യാ​ളി ആ​ന​യ​ട​ക്ക​മു​ള്ള കാ​ട്ടാ​ന​ക​ളെ കാ​ട്ടി​ലേ​ക്ക് തു​ര​ത്താ​നാ​യി കു​ങ്കി​യാ​ന​ക​ളു​മാ​യി വ​നം​വ​കു​പ്പ് അ​ധി​കൃ​ത​ർ തി​ര​ച്ചി​ൽ ന​ട​ത്തു​ക​യാ​ണ്. വ​നം​വ​കു​പ്പ് അ​ധി​കൃ​ത​ർ വ​ന്നു മ​ട​ങ്ങി​യ ശേ​ഷ​മാ​ണ് മേ​പ്പാ​ടി ചോ​ല​മ​ല പ​ത്താം​ന​മ്പ​റി​ലും എ​ള​മ്പി​ലേ​രി പ്ര​ദേ​ശ​ത്തും ക​ഴി​ഞ്ഞ ദി​വ​സം രാ​ത്രി വീണ്ടും കാ​ട്ടാ​ന​ക്കൂ​ട്ട​മെ​ത്തി​യ​തെ​ന്ന് പ്ര​ദേ​ശ​വാ​സി​ക​ൾ പ​റ​ഞ്ഞു.

കു​ങ്കി​യാ​ന​ക​ളു​മാ​യി ശ​നി​യാ​ഴ്ച വ​ന​പാ​ല​ക​ർ എ​ത്തി​യ​പ്പോ​ഴേ​ക്കും പ്ര​ദേ​ശ​ത്തെ​ത്തി​യ കാ​ട്ടാ​ന​ക​ൾ വ​ന​ത്തി​ലേ​ക്ക് മ​ട​ങ്ങി​ക്ക​ഴി​ഞ്ഞി​രു​ന്നു. ശേ​ഷം ജീ​വ​ന​ക്കാ​ർ മ​ട​ങ്ങി​പ്പോ​വു​ക​യാ​യി​രു​ന്നു. എ​ന്നാ​ൽ, അ​തേ ആ​ന​ക​ൾ​ത​ന്നെ രാ​ത്രി എ​ട്ടോ​ടെ തി​രി​ച്ചെ​ത്തി​യെ​ന്ന് നാ​ട്ടു​കാ​ർ പ​റ​യു​ന്നു. ഞാ​യ​റാ​ഴ്ച പു​ല​ർ​ച്ച​യോ​ടെ​യാ​ണ് ആ​ന​ക്കൂ​ട്ടം മ​ട​ങ്ങി​യ​ത്. വ​ലി​യ നാ​ശ​ന​ഷ്ട​ങ്ങ​ളൊ​ന്നു​മു​ണ്ടാ​ക്കി​യി​ട്ടി​ല്ല. ഞാ​യ​റാ​ഴ്ച രാ​വി​ലെ കു​ങ്കി​യാ​ന​ക​ളു​ടെ അ​ക​മ്പ​ടി​യി​ല്ലാ​തെ വ​ന​പാ​ല​ക​ർ ര​ണ്ടു ബാ​ച്ചു​ക​ളാ​യി വ​ന മേ​ഖ​ല​ക​ളി​ൽ തി​ര​ച്ചി​ൽ ന​ട​ത്തി​യെ​ങ്കി​ലും ആ​ന​ക​ളെ ക​ണ്ടെ​ത്താ​നാ​യി​ല്ലെ​ന്നാ​ണ് വി​വ​രം.

ഏ​തു നേ​ര​ത്തും ആ​ന​ക​ളി​റ​ങ്ങി വ​രു​ന്ന സാ​ഹ​ച​ര്യ​മാ​ണു​ള്ള​തെ​ന്ന് നാ​ട്ടു​കാ​ർ പ​റ​യു​ന്നു. ഒ​രു​വ​ർ​ഷം മു​മ്പ് കു​ഞ്ഞ​വ​റാ​ൻ എ​ന്ന തോ​ട്ടം തൊ​ഴി​ലാ​ളി കാ​ട്ടാ​ന ആ​ക്ര​മ​ണ​ത്തി​ൽ കൊ​ല്ല​പ്പെ​ട്ട പ്ര​ദേ​ശ​മാ​ണ് എ​ള​മ്പി​ലേ​രി. ഇ​തി​നാ​ൽ മ​നഃ​സ്സ​മാ​ധാ​ന​ത്തോ​ടെ പു​റ​ത്തി​റ​ങ്ങാ​നും കി​ട​ന്നു​റ​ങ്ങാ​നും ക​ഴി​യാ​തെ ഭീ​തി​യു​ടെ സാ​ഹ​ച​ര്യ​ത്തി​ലാ​ണ് ത​ങ്ങ​ളു​ള്ള​തെ​ന്നും നാ​ട്ടു​കാ​ർ പ​റ​യു​ന്നു. വ​ന്യ​മൃ​ഗ​ശ​ല്യം ഈ ​നി​ല​യി​ൽ തു​ട​ർ​ന്നാ​ൽ ഭാ​വി​യി​ൽ എ​ങ്ങ​നെ ജീ​വി​ക്കു​മെ​ന്ന ആ​ശ​ങ്ക​യി​ലാ​ണ് നാ​ട്ടു​കാ​ർ. ആ​ന​ക​ളെ നാ​ട്ടി​ലി​റ​ങ്ങാ​ത്ത​വി​ധം വ​ന​ത്തി​ന്റെ വി​ദൂ​ര ഭാ​ഗ​ത്തേ​ക്ക് തു​ര​ത്തു​ക​യെ​ന്ന ല​ക്ഷ്യം ഇ​നി​യും അ​ക​ലെ​യാ​ണെ​ന്ന​താ​ണ് മ​റ്റൊ​രു യാ​ഥാ​ർ​ഥ്യം.