താ​മ​സി​ക്കു​ന്നി​ട​ത്ത് വാ​ഹ​ന​മെ​ത്തി​ല്ല; രോഗികളെ ചുമന്ന് ആശുപത്രിയിൽ എത്തിക്കേണ്ട അവസ്ഥ

മേ​പ്പാ​ടി: മൂ​പ്പൈ​നാ​ട് ഗ്രാ​മ​പ​ഞ്ചാ​യ​ത്ത് 16ാം വാ​ർ​ഡ് ല​ക്കി​ഹി​ൽ താ​ഴെ ഭാ​ഗ​ത്തു​ള്ള 15ഓ​ളം കു​ടും​ബ​ങ്ങ​ൾ പ്ര​ദേ​ശ​ത്തേ​ക്ക് വാ​ഹ​ന​മെ​ത്തി​ക്കാ​നു​ള്ള റോ​ഡി​ല്ലാ​ത്ത​തി​നാ​ൽ ദു​രി​ത​മ​നു​ഭ​വി​ക്കു​ന്നു. കി​ട​പ്പു​രോ​ഗി​ക​ളെ​യും വ​യോ​ജ​ന​ങ്ങ​ളെ​യു​മ​ട​ക്കം സ്ട്രെ​ച്ച​റി​ൽ കി​ട​ത്തി ചു​മ​ന്ന് ആ​ശു​പ​ത്രി​യി​ലേ​ക്ക് കൊ​ണ്ടു​പോ​കേ​ണ്ട ഗ​തി​കേ​ടി​ലാ​ണി​വി​ടെ​യു​ള്ള കു​ടും​ബ​ങ്ങ​ൾ. കാ​ൻ​സ​ർ ബാ​ധി​ച്ച​വ​രും പ​ക്ഷാ​ഘാ​തം വ​ന്ന​വ​രും മ​റ്റു കി​ട​പ്പു​രോ​ഗി​ക​ളു​മെ​ല്ലാം അ​ട​ങ്ങി​യ 15ഓ​ളം കു​ടും​ബ​ങ്ങ​ളാ​ണ് വ​ർ​ഷ​ങ്ങ​ളാ​യി ക​ഷ്ട​ത​യ​നു​ഭ​വി​ക്കു​ന്ന​ത്.

മൂ​പ്പ​നാ​ട്-​ല​ക്കി​ഹി​ൽ റോ​ഡി​ൽ​നി​ന്ന് 100 മീ​റ്റ​ർ ദൂ​രം മാ​ത്ര​മേ ഇ​വി​ടേ​ക്കു​ള്ളൂ. മ​ഴ പെ​യ്താ​ൽ റോ​ഡി​ൽ ച​ളി നി​റ​യും. ആ​റോ​ളം കി​ട​പ്പു​രോ​ഗി​ക​ൾ വി​വി​ധ വീ​ടു​ക​ളി​ലാ​യു​ണ്ട്. ഇ​തി​ൽ പ്രാ​യ​മാ​യ​വ​രു​മു​ണ്ട്. ആ​ഴ്ച​യി​ലൊ​രി​ക്ക​ൽ ഓ​രോ​രു​ത്ത​രേ​യും ആ​ശു​പ​ത്രി​യി​ൽ കൊ​ണ്ടു​പോ​കു​ന്ന​തി​ന് സ്ട്രെ​ച്ച​റി​ൽ ചു​മ​ക്കു​ക​യാ​ണ് നാ​ട്ടു​കാ​ർ. സോ​ളി​ങ് നി​ര​ത്തി ക​ല്ല് വി​രി​ച്ചാ​ൽ ഇ​വി​ടേ​ക്ക് വാ​ഹ​ന​മെ​ത്തി​ക്കാ​ൻ ക​ഴി​യും. വ​ർ​ഷ​ങ്ങ​ളാ​യി നാ​ട്ടു​കാ​ർ ആ​വ​ശ്യ​മു​ന്ന​യി​ച്ചി​ട്ടും ഗ്രാ​മ​പ​ഞ്ചാ​യ​ത്ത​ധി​കൃ​ത​ർ അ​വ​ഗ​ണി​ക്കു​ന്നു​വെ​ന്നാ​ണ് പ്ര​ദേ​ശ​ത്തു​ള്ള കു​ടും​ബ​ങ്ങ​ളു​ടെ ആ​ക്ഷേ​പം.