പ​ഞ്ചാ​യ​ത്ത് അ​ന​ങ്ങു​ന്നി​ല്ല; കോ​ട്ട​നാ​ട് സ്കൂ​ൾ പ്ര​വേ​ശ​ന ക​വാ​ട നി​ർ​മാ​ണം പ്ര​തി​സ​ന്ധി​യി​ൽ

മേ​പ്പാ​ടി: കോ​ട്ട​നാ​ട് ഗ​വ. യു.​പി സ്കൂ​ളി​ന് പ്ര​വേ​ശ​ന ക​വാ​ടം നി​ർ​മി​ക്കാ​ൻ 2023-24 വ​ർ​ഷ​ത്തി​ൽ സ​ർ​ക്കാ​ർ 10 ല​ക്ഷം രൂ​പ ഫ​ണ്ട് അ​നു​വ​ദി​ച്ചെ​ങ്കി​ലും നി​ർ​വ​ഹ​ണ ചു​മ​ത​ല​യു​ള്ള ഗ്രാ​മ​പ​ഞ്ചാ​യ​ത്തി​ന്‍റെ നി​ഷ്ക്രി​യ​ത്വം വി​ല​ങ്ങു​ത​ടി​യാ​കു​ന്നു. ര​ണ്ടു​വ​ർ​ഷ​ത്തോ​ള​മാ​യി​ട്ടും പ്ര​വൃ​ത്തി ടെ​ൻ​ഡ​ർ ചെ​യ്യാ​ൻ​പോ​ലും ന​ട​പ​ടി ഉ​ണ്ടാ​യി​ല്ലെ​ന്ന് ആ​ക്ഷേ​പ​മു​ണ്ട്. പ്ര​വേ​ശ​ന ക​വാ​ടം നി​ർ​മാ​ണം, പ്ര​ധാ​ന പാ​ത​യി​ൽ​നി​ന്ന് സ്കൂ​ളി​ലേ​ക്കു​ള്ള റോ​ഡ് ടൈ​ൽ പ​തി​ക്ക​ൽ എ​ന്നി​വ​ക്ക് വി​ദ്യാ​ഭ്യാ​സ വ​കു​പ്പ് 10 ല​ക്ഷം രൂ​പ ഫ​ണ്ട് അ​നു​വ​ദി​ച്ചി​രു​ന്നു. ജി​ല്ല​യി​ലെ മ​റ്റ് അ​ഞ്ച് സ്കൂ​ളു​ക​ൾ​ക്കും വി​വി​ധ പ്ര​വൃ​ത്തി​ക​ൾ​ക്കാ​യി 10 ല​ക്ഷം വീ​തം അ​നു​വ​ദി​ച്ചി​രു​ന്നു.

ഗ്രാ​മ​പ​ഞ്ചാ​യ​ത്തി​നാ​ണ് നി​ർ​വ​ഹ​ണ ചു​മ​ത​ല. ജൂ​ലൈ 31ന് ​മു​മ്പാ​യി പ്ര​വൃ​ത്തി പൂ​ർ​ത്തീ​ക​രി​ക്ക​ണ​മെ​ന്നാ​യി​രു​ന്നു നി​ർ​ദേ​ശ​മു​ള്ള​ത്. എ​ന്നാ​ൽ, ഫ​ണ്ട് അ​നു​വ​ദി​ച്ച് ര​ണ്ടു​വ​ർ​ഷ​മാ​യി​ട്ടും പ്ര​വൃ​ത്തി ടെ​ൻ​ഡ​ർ ചെ​യ്യാ​നു​ള്ള ന​ട​പ​ടി​ക​ൾ​പോ​ലും ഗ്രാ​മ​പ​ഞ്ചാ​യ​ത്ത് അ​ധി​കൃ​ത​ർ സ്വീ​ക​രി​ച്ചി​ല്ലെ​ന്ന് പി.​ടി.​എ ഭാ​ര​വാ​ഹി​ക​ൾ ആ​രോ​പി​ക്കു​ന്നു.

പ്ര​വൃ​ത്തി ന​ട​ത്താ​ത്ത​തി​നാ​ൽ അ​നു​വ​ദി​ച്ച തു​ക ന​ഷ്ട​പ്പെ​ടു​മോ​യെ​ന്ന ആ​ശ​ങ്ക​യി​ലാ​ണ് സ്കൂ​ൾ അ​ധി​കൃ​ത​ർ. സ്കൂ​ളി​ന് ഗേ​റ്റ് ഇ​ല്ലാ​ത്ത​തി​നാ​ൽ തെ​രു​നാ​യ്ക്ക​ള​ട​ക്കം സ്കൂ​ൾ വ​ള​പ്പി​ൽ ക​യ​റു​ക​യാ​ണ്. ഇ​ത് വി​ദ്യാ​ർ​ഥി​ക​ൾ​ക്ക് ഭീ​ഷ​ണി​യാ​കു​ക​യാ​ണെ​ന്ന് പി.​ടി.​എ ക​മ്മി​റ്റി പ​റ​യു​ന്നു. പ്ര​ശ്ന​ത്തി​ൽ വി​ദ്യാ​ഭ്യാ​സ വ​കു​പ്പി​ൽ​നി​ന്ന് ബ​ന്ധ​പ്പെ​ട്ട അ​ധി​കാ​രി​ക​ൾ ഇ​ട​പെ​ട​ണ​മെ​ന്ന ആ​വ​ശ്യം ശ​ക്ത​മാ​ണ്.