പോ​ക്സോ: പ്ര​തി​ക്ക് ഏ​ഴു​ വ​ർ​ഷം ക​ഠി​ന​ത​ട​വും പി​ഴ​യും

മാ​ന​ന്ത​വാ​ടി: പ്രാ​യ​പൂ​ർ​ത്തി​യാ​കാ​ത്ത കു​ട്ടി​ക്കെ​തി​രെ ലൈം​ഗി​കാ​തി​ക്ര​മം ന​ട​ത്തി​യ​യാ​ൾ​ക്ക് വി​വി​ധ വ​കു​പ്പു​ക​ളി​ലാ​യി ഏ​ഴു​വ​ർ​ഷ​വും ഒ​രു​മാ​സ​വും ക​ഠി​ന​ത​ട​വും 25,000 രൂ​പ പി​ഴ​യും വി​ധി​ച്ചു. മാ​ന​ന്ത​വാ​ടി ക​ല്ലി​യോ​ട്ടു​കു​ന്ന് കാ​ര​ക്കാ​ട​ൻ വീ​ട്ടി​ൽ ഷാ​ഫി​യെ​യാ​ണ് (32) സു​ൽ​ത്താ​ൻ ബ​ത്തേ​രി ഫാ​സ്റ്റ് ട്രാ​ക്ക് കോ​ട​തി ജ​ഡ്ജി കെ. ​കൃ​ഷ്ണ​കു​മാ​ർ ശി​ക്ഷി​ച്ച​ത്.

2022 ജ​നു​വ​രി​യി​ലാ​ണ് പ്ര​തി പ്രാ​യ​പൂ​ർ​ത്തി​യാ​വാ​ത്ത കു​ട്ടി​ക്കെ​തി​രെ ലൈം​ഗി​കാ​തി​ക്ര​മം ന​ട​ത്തി​യ​ത്. മാ​ന​ന്ത​വാ​ടി സ്റ്റേ​ഷ​ൻ സ​ബ് ഇ​ൻ​സ്പെ​ക്ട​റാ​യി​രു​ന്ന ബി​ജു ആ​ന്റ​ണി എ​ഫ്.​ഐ.​ആ​ർ ര​ജി​സ്റ്റ​ർ ചെ​യ്ത് ജി​ല്ല എ​സ്.​എം.​എ​സി​ന് കൈ​മാ​റു​ക​യാ​യി​രു​ന്നു. അ​ന്ന​ത്തെ എ​സ്.​എം.​എ​സ് ഡി​വൈ.​എ​സ്.​പി​യാ​യി​രു​ന്ന പി. ​ശ​ശി കു​മാ​റാ​ണ് കേ​സി​ൽ അ​ന്വേ​ഷ​ണം പൂ​ർ​ത്തി​യാ​ക്കി കോ​ട​തി മു​മ്പാ​കെ കു​റ്റ​പ​ത്രം സ​മ​ർ​പ്പി​ച്ച​ത്. എ​സ്.​എം.​എ​സ് അ​സി. സ​ബ് ഇ​ൻ​സ്പെ​ക്ട​ർ ര​ജി​ത സു​മം അ​ന്വേ​ഷ​ണ സം​ഘ​ത്തി​ലു​ണ്ടാ​യി​രു​ന്നു. പ്രോ​സി​ക്യൂ​ഷ​നു​വേ​ണ്ടി സ്പെ​ഷ​ൽ പ്രോ​സി​ക്യൂ​ട്ട​ർ അ​ഡ്വ. ഓ​മ​ന വ​ർ​ഗീ​സ് ഹാ​ജ​രാ​യി.