സമസ്ത ജില്ല കമ്മിറ്റി സംഘടിപ്പിച്ച ഹജ്ജ് ക്യാമ്പ് പ്രസിഡന്റ് കെ.ടി. ഹംസ മുസ് ലിയാർ ഉദ്ഘാടനം ചെയ്യുന്നു
കൽപ്പറ്റ: സമസ്ത ജില്ല കമ്മിറ്റി നേതൃത്വത്തിൽ ഹജ്ജ് പഠന ക്ലാസ് സംഘടിപ്പിച്ചു. ഈ വർഷം ഹജ്ജ് കർമത്തിന് പോകുന്നവർക്കായി സംഘടിപ്പിച്ച പഠന ക്ലാസ് സമസ്ത ജില്ല പ്രസിഡന്റ് കെ.ടി. ഹംസ മുസ് ലിയാർ ഉദ്ഘാടനം ചെയ്തു.
ലക്ഷങ്ങൾ ചെലവഴിച്ച് ഹജ്ജ് കർമത്തിന് പോകുന്നവർ അതിന്റെ പരിശുദ്ധി കാത്ത് സൂക്ഷിക്കണമെന്നും വെറും ഒരു ടൂറായി കാണരുതെന്നും ഹജ്ജ് സ്വീകാര്യമാകാൻ ശ്രമിക്കണമെന്നും ഉൽബോധിപ്പിച്ചു. വൈസ് പ്രസിഡന്റ് എം. ഹസൻ മുസ് ലിയാർ അധ്യക്ഷതവഹിച്ചു. സ്വാലിഹ് അൻവരി ക്ലാസിന് നേതൃത്വം നൽകി.
എസ്.എം.എഫ് ജില്ല സെക്രട്ടറി പി.സി. ഇബ്രാഹിം ഹാജി, ജഅഫർ ഹൈതമി, അഷ്റഫ് ഫൈസി പനമരം, അഷ്റഫ് ദാരിമി, ഹാരിസ് ബാഖവി കമ്പളക്കാട്, ഉസ്മാൻ കാഞ്ഞായി, ട്രൈനർമാരായ മുസ്തഫ ഹാജി മുട്ടിൽ, മൊയ്തുട്ടി മില്ലുമുക്ക്, അബൂബക്കർ മുണ്ടേരി, ഇസ്മായിൽ മുസ് ലിയാർ അബൂബക്കർ കൽപറ്റ, മുഹമ്മദ് സ്വലിഹ് അൻവരി ചേകന്നൂർ, പി. ഇബ്രാഹീം ദാരിമി കോട്ടത്തറ എന്നിവർ സംസാരിച്ചു. ഇമ്പിച്ചിക്കോയ തങ്ങൾ പേരാൽ പ്രാർഥനക്ക് നേതൃത്വം നൽകി. സമസ്ത ജില്ല കമ്മിറ്റി പ്രസിദ്ധീകരിച്ച ഹജ്ജ് ഗൈഡും മജ്മൂഉൽ ഫവാഇദ് ഗ്രന്ഥവും ഹാജിമാർക്ക് നൽകി. സെക്രട്ടറി എസ്. മുഹമ്മദ് ദാരിമി സ്വാഗതം പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.