കരിയിലകളാൽ വിരിഞ്ഞു, നാല് പുതു ഉൽപന്നങ്ങൾ

ക​ല്‍പ​റ്റ: ഗ​വേ​ഷ​ണ​ത്തി​ന് കി​ട്ടി​യ അ​വ​സ​രം സാ​മ്പ്ര​ദാ​യി​ക രൂ​പ​ത്തി​ല​ല്ല ഈ ​വ​യ​നാ​ട് സ്വ​ദേ​ശി ഉ​പ​യോ​ഗ​പ്പെ​ടു​ത്തി​യ​ത്, ഫ​ല​മോ ക​രി​യി​ല​ക​ളി​ല്‍നി​ന്ന് രൂ​പം​കൊ​ണ്ട​ത് നാ​ല് പു​തി​യ ഉ​ൽ​പ​ന്ന​ങ്ങ​ൾ. മീ​ന​ങ്ങാ​ടി കൊ​ള​ഗ​പ്പാ​റ​യി​ലെ 49കാ​ര​നാ​യ എ​ൽ​ദോ​യാ​ണ് കോ​ഴി​ക്കോ​ട് എ​ൻ.​ഐ.​ടി​യി​ൽ നി​ന്ന് ഗ​വേ​ഷ​ണ​ത്തി​നു ല​ഭി​ച്ച അ​വ​സ​രം ഇ​ത്ത​ര​ത്തി​ലു​പ​യോ​ഗി​ച്ച​ത്. കൊ​ള​ഗ​പ്പാ​റ നാ​ഷ​ന​ല്‍ ബ​യോ​ടെ​ക് റി​സ​ര്‍ച്ച് ആ​ന്‍ഡ് ഡെ​വ​ല​പ്‌​മെ​ന്റ് ഓ​ര്‍ഗ​നൈ​സേ​ഷ​ന്‍ ചെ​യ​ര്‍മാ​നാ​ണ് പൂ​വ​ത്തി​ങ്ക​ല്‍ എ​ല്‍ദോ.

കാ​ര്‍ബ​ണ്‍ ഫൈ​ബ​ര്‍ ലൈ​ക്ക്, ഷോ​ക്ക് അ​ബ്‌​സോ​ര്‍ബ​ര്‍ ഫോം, ​വാ​ള്‍ ടൈ​ല്‍സ്, സീ​ലി​ങ് പാ​ന​ല്‍ ബോ​ര്‍ഡ് എ​ന്നി​വ​യാ​ണ് എ​ല്‍ദോ പു​തു​താ​യി വി​ക​സി​പ്പി​ച്ച​ത്. വി​വി​ധ​യി​നം ക​രി​യി​ല​ക​ളു​ടെ ശാ​സ്ത്രീ​യ ഉ​പ​യോ​ഗ​ത്തി​ലൂ​ടെ ഏ​ഴ് മാ​സ​മെ​ടു​ത്താ​ണ് ഇ​ത്ര​യും ഉ​ൽ​പ​ന്ന​ങ്ങ​ള്‍ ത​യാ​റാ​ക്കി​യ​ത്.

ഈ​ട്ടി, കു​ന്നി, മ​രു​ത് എ​ന്നീ ഇ​നം മ​ര​ങ്ങ​ളു​ടെ ക​രി​യി​ല ഉ​പ​യോ​ഗി​ച്ചാ​ണ് വാ​ള്‍ ടൈ​ല്‍സ് നി​ര്‍മി​ച്ച​ത്. നി​ല​വി​ല്‍ വി​പ​ണി​യി​ല്‍ ല​ഭ്യ​മാ​യ ഇ​ന​ങ്ങ​ളെ അ​പേ​ക്ഷി​ച്ച് കു​റ​ഞ്ഞ ചെ​ല​വി​ല്‍ നി​ര്‍മി​ക്കാ​ന്‍ ക​ഴി​യു​ന്ന​താ​ണ് ക​രി​യി​ല​ക​ള്‍ ഉ​പ​യോ​ഗി​ച്ച് ത​യാ​റാ​ക്കു​ന്ന വാ​ള്‍ ടൈ​ല്‍. പ്ലാ​വ്, മാ​വ്, ഇ​ട​ന തു​ട​ങ്ങി​യ മ​ര​ങ്ങ​ളു​ടെ ക​രി​യി​ല​ക​ളാ​ണ് സീ​ലി​ങ് പാ​ന​ല്‍ ബോ​ര്‍ഡ് നി​ര്‍മാ​ണ​ത്തി​നു പ്ര​യോ​ജ​ന​പ്പെ​ടു​ത്തി​യ​ത്. കു​റ​ഞ്ഞ ക​ന​വും കൂ​ടു​ത​ല്‍ ബ​ല​വു​മു​ള്ള​താ​ണ് എ​ല്‍ദോ വി​ക​സി​പ്പി​ച്ച പാ​ന​ല്‍ ബോ​ര്‍ഡ്.

വാ​ഹ​ന​ങ്ങ​ളു​ടെ ഫൈ​ബ​ര്‍ പാ​ര്‍ട്ടി​നു പ​ക​രം ഉ​പ​യോ​ഗി​ക്കാ​വു​ന്ന​താ​ണ് കാ​ര്‍ബ​ണ്‍ ഫൈ​ബ​ര്‍ ലൈ​ക്ക്. പ്ര​ധാ​ന​മാ​യും ഈ​ട്ടി ക​രി​യി​ല​ക​ളാ​ണ് ഇ​തി​ന് ഉ​പ​യോ​ഗി​ച്ച​ത്. തേ​ക്ക്, മാ​വ്, പാ​ണ​ല്‍ എ​ന്നീ മ​ര​ങ്ങ​ളു​ടെ ക​രി​യി​ല​ക​ളാ​ണ് ഷോ​ക്ക് അ​ബ്‌​സോ​ര്‍ബ​ര്‍ ഫോം ​നി​ര്‍മാ​ണ​ത്തി​നു പ്ര​യോ​ജ​ന​പ്പെ​ടു​ത്തി​യ​ത്. നാ​ല് ഉ​ൽ​പ​ന്ന​ങ്ങ​ളു​ടെ​യും പ​രി​ശോ​ധ​ന എ​ൻ.​ഐ.​ടി​യി​ല്‍ പൂ​ര്‍ത്തി​യാ​യി.

വാ​ഴ​പ്പോ​ള​യി​ല്‍നി​ന്ന് വ​സ്ത്രം, സി​മ​ന്റ് പാ​ക്ക​റ്റ് ക​വ​ര്‍, ക​ര​കൗ​ശ​ല​വ​സ്തു​ക്ക​ള്‍ എ​ന്നി​വ​യു​ടെ നി​ര്‍മാ​ണ​ത്തി​നു ഉ​ത​കു​ന്ന ഗു​ണ​നി​ല​വാ​ര​മു​ള്ള നാ​ര് വേ​ര്‍തി​രി​ച്ചെ​ടു​ക്കു​ന്ന യ​ന്ത്രം, ക​യ​ര്‍ പി​രി​ക്കു​ന്ന​തി​നു​ള്ള ഇ​ല​ക്‌​ടോ​ണി​ക് റാ​ട്ട് തു​ട​ങ്ങി​യ​വ എ​ല്‍ദോ നേ​ര​ത്തേ വി​ക​സി​പ്പി​ച്ചി​ട്ടു​ണ്ട്. എ​ല്‍ദോ​യു​ടെ സാ​ങ്കേ​തി​ക വി​ദ്യ ഉ​പ​യോ​ഗ​പ്പെ​ടു​ത്തി ഇ​ന്ത്യ​യി​ല്‍ നി​ര്‍മി​ച്ച കാ​ൽ​ല​ക്ഷം തൊ​പ്പി​ക​ളാ​ണ് 2008 ബീ​ജി​ങ് ഒ​ളി​മ്പി​ക്സി​ല്‍ ഉ​പ​യോ​ഗ​പ്പെ​ടു​ത്തി​യ​ത്.

അ​ന്താ​രാ​ഷ്ട്ര ശാ​സ്ത്ര​മേ​ള​ക​ളി​ല്‍ എ​ൽ​ദോ പ്ര​ബ​ന്ധ​ങ്ങ​ള്‍ അ​വ​ത​രി​പ്പി​ച്ചി​ട്ടു​ണ്ട്. 2016ല്‍ ​ഡ​ല്‍ഹി​യി​ല്‍ ന​ട​ന്ന ഇ​ന്ത്യ ഇ​ന്റ​ര്‍നാ​ഷ​ന​ല്‍ ശാ​സ്ത്ര കോ​ണ്‍ഗ്ര​സി​ല്‍ മി​ക​ച്ച ഗ്രാ​മീ​ണ ഗ​വേ​ഷ​ക​നു​ള്ള പു​ര​സ്‌​കാ​രം ല​ഭി​ച്ചു. സ്‌​പൈ​സ​സ് റി​സ​ര്‍ച്ച് ഇ​ന്‍സ്റ്റി​റ്റ്യൂ​ട്ടി​ന്റെ 2018ലെ ​ഐ​ക്ക​ര്‍ പു​ര​സ്‌​കാ​ര​വും നേ​ടി.