കൽപറ്റ: ഓണ്ലൈന് സാമ്പത്തികത്തട്ടിപ്പുകള് വർധിക്കുന്ന പശ്ചാത്തലത്തില് പൊതുജനങ്ങള്ക്ക് സൈബര് സുരക്ഷ അവബോധം പകരുന്നതിന് പൊലീസ് സ്റ്റേഷന് തലത്തില് സൈബര് വാളന്റിയര്മാരെ നിയോഗിക്കുന്നു. cybercrime.gov.in എന്ന നാഷനല് സൈബര് ക്രൈം റിപ്പോര്ട്ടിങ് പോര്ട്ടല് മുഖേന അപേക്ഷിക്കണം. സൈബര് അവയര്നെസ് പ്രൊമോട്ടര് എന്ന വിഭാഗത്തിലാണ് അപേക്ഷിക്കേണ്ടത്.
അവസാന തീയതി നവംബര് 25. ഫോട്ടോ, തിരിച്ചറിയല് രേഖ, ബയോഡേറ്റ, വിദ്യാഭ്യാസ യോഗ്യത തെളിയിക്കുന്ന രേഖ മുതലായവ സമര്പ്പിക്കണം. തിരഞ്ഞെടുക്കപ്പെടുന്ന വാളന്റിയര്മാര്ക്ക് പരിശീലനം നല്കിയ ശേഷം സ്കൂള്, കോളജ് വിദ്യാർഥികള്ക്കും സാധാരണക്കാര്ക്കും സൈബര് സുരക്ഷ അവബോധം പകരാന് ഇവരുടെ സേവനം വിനിയോഗിക്കും. ജില്ല ക്രൈം റിക്കാര്ഡ്സ് ബ്യൂറോയിലെ ഡിവൈ.എസ്.പിമാര് പദ്ധതിയുടെ നോഡല് ഓഫിസറും സൈബര് പൊലീസ് സ്റ്റേഷനിലെ സ്റ്റേഷന് ഹൗസ് ഓഫിസര്മാര് അസിസ്റ്റന്റ് നോഡല് ഓഫിസറുമായിരിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.