കേരള അണ്ടർ 19 വനിത ക്രിക്കറ്റ് ടീമിലേക്ക് തെരഞ്ഞെടുക്കപ്പെട്ട വി.ജെ. ജോഷിത, ശ്രേയ റോയ്, എം.പി. അലീന, അലീന ഷിബു, നിത്യ ലൂര്ദ് എന്നിവർ
കൽപറ്റ: കേരള അണ്ടര്19 വനിത ക്രിക്കറ്റ് ടീമിന് കരുത്തായി വയനാടൻ യുവത്വം. ജില്ലയില്നിന്ന് അഞ്ചു താരങ്ങളാണ് ഈമാസം 28ന് ശേഷം വിശാഖപട്ടണത്ത്് ആരംഭിക്കുന്ന അന്തര്സംസ്ഥാന അണ്ടര്19 ക്രിക്കറ്റ് ടൂര്ണമെൻറിലേക്കുള്ള കേരള ടീമില് ഇടം നേടിയത്. കല്പറ്റ എമിലിയിലെ വി.ജെ. ജോഷിത, പനമരത്തെ ശ്രേയ റോയ്, മാനന്തവാടി എള്ളുമന്തത്തെ എം.പി. അലീന, അലീന ഷിബു, പിലാക്കാവിലെ നിത്യ ലൂര്ദ് എന്നിവരാണ് ടീമിലേക്ക് തിരഞ്ഞെടുക്കപ്പെട്ടവര്.
കേരളത്തിന് ചരിത്രത്തിലെ ആദ്യ ചാമ്പ്യന്ഷിപ് നേടിക്കൊടുത്ത ക്യാപ്റ്റന് സജ്ന സജീവന്, ഇന്ത്യ എ ടീമിലടക്കം മിന്നും പ്രകടനം കാഴ്ചവെച്ച് മുന്നേറുന്ന കാഴ്ച പരിമിതരുടെ കേരള ക്രിക്കറ്റ് ടീം ബ്രാന്ഡ് അംബാസഡര് കൂടിയായ മിന്നുമണി, ചലഞ്ചര് ട്രോഫിയിലടക്കം ജഴ്സിയണിഞ്ഞ ഐ.വി. ദൃശ്യ അടക്കമുള്ള താരങ്ങള്ക്ക് പിന്നാലെയാണ് സ്ഥിരതയാര്ന്ന പ്രകടനത്തിെൻറ മികവില് വയനാടന് ചുരമിറങ്ങി അഞ്ചു പെണ്കുട്ടികള് കൂടി കേരള ടീമിെൻറ ജഴ്സിയണിയുന്നത്. അണ്ടര്16 കേരള ടീമിനെ പ്രതിനിധീകരിച്ച് നടത്തിയ മികച്ച പ്രകടനങ്ങളാണ് അഞ്ചുപേര്ക്കും അണ്ടര്19 ടീമിലേക്കുള്ള വഴി തെളിച്ചത്.
കെ.സി.എയുടെ കൃഷ്ണഗിരി ക്രിക്കറ്റ് സ്റ്റേഡിയത്തിലെ ഗേള്സ് ക്രിക്കറ്റ് അക്കാദമിയിലെ അംഗങ്ങളാണ് ഇവരെല്ലാം. ഇവരെ കൂടാതെ വയനാട് അക്കാദമില് നിന്നുള്ള അഞ്ചു താരങ്ങള് കൂടി അണ്ടര്-19 ടീമിലേക്ക് തെരഞ്ഞെടുക്കപ്പെട്ടിട്ടുണ്ട്. കെ.സി.എ പരിശീലകരായ ജസ്റ്റിന് ഫെര്ണാണ്ടസ്, ദീപ്തി എന്നിവരുടെ കീഴിലാണ് ഇവരുടെ പരിശീലനം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.