കുറ്റ്യാടി ചുരത്തിൽ മണ്ണിടിച്ചിൽ

കുറ്റ്യാടി: പക്രന്തളം ചുരത്തിലെ നാലാം വളവിൽ മണ്ണിടിച്ചിൽ. ശനിയാഴ്ച രാത്രിയുണ്ടായ ശക്തമായ മഴയെ തുടർന്നാണ് മണ്ണിടിഞ്ഞത്. ഏറെനേരം ഗതാഗതം തടസ്സപ്പെട്ടു. നാട്ടുകാരും നാദാപുരം ഫയർഫോഴ്സും ചേർന്ന് മരങ്ങളും പാറക്കല്ലുകളും മാറ്റി ഭാഗികമായി ഗതാഗതം സ്ഥാപിച്ചു. മണ്ണിടിച്ചിലുണ്ടായ സ്ഥലത്തിന് തൊട്ടുമുകളിലുള്ള ഏഴിക്കാട്ടിൽ സിബിയുടെ വീട് ഭീഷണിയിലാണ്. എല്ലാവർഷവും ഇവിടെ മണ്ണിടിച്ചിൽ ഉണ്ടാകാറുണ്ട്. പാർശ്വഭിത്തി നിർമിച്ചാൽ മാത്രമേ ഇതിന് പരിഹാരമാവൂ. Photo: കുറ്റ്യാടിച്ചുരം നാലാം വളവിലുണ്ടായ മണ്ണിടിച്ചിൽ