വിഴിഞ്ഞം തീരത്ത് രണ്ട് മൃതദേഹങ്ങൾ അടിഞ്ഞു; അന്വേഷണം തുടങ്ങി

വി​ഴി​ഞ്ഞം: ക​ഴി​ഞ്ഞ ദി​വ​സ​ങ്ങ​ളി​ൽ ക​ട​ലി​ൽ പൊ​ങ്ങി​യ​ത് ര​ണ്ട് മൃ​ത​ദേ​ഹ​ങ്ങ​ൾ. മൂ​ന്നാ​മ​തൊ​ന്ന് ക​ണ്ടെ​ത്തി​യെ​ന്ന മ​ത്സ്യ​ത്തൊ​ഴി​ലാ​ളി​ക​ളു​ടെ അ​റി​യി​പ്പി​നെ​തു​ട​ർ​ന്ന് വി​ഴി​ഞ്ഞം തീ​ര​ദേ​ശ പൊ​ലീ​സ് ശം​ഖും​മു​ഖം ഉ​ൾ​പ്പെ​ടെ​യു​ള്ള ഭാ​ഗ​ങ്ങ​ളി​ൽ വൈ​കി​യും തി​ര​ച്ചി​ൽ ന​ട​ത്തി. ക്രി​സ്മ​സ് ആ​ഘോ​ഷ​ത്തി​നി​ടെ ഇ​വ​ർ വെ​ള്ള​ത്തി​ൽ വീ​ണ​താ​കാ​മെ​ന്ന വി​ശ്വാ​സ​ത്തി​ൽ പൊ​ലീ​സ്.

കാ​ട്ടാ​ക്ക​ട പോ​ങ്ങും​മൂ​ട്​ ചീ​നി​വി​ള റോ​ഡ​രി​ക​ത്ത് വീ​ട്ടി​ൽ സ​ന്തോ​ഷ് കു​മാ​ർ (36) ആ​ണ് മ​രി​ച്ച​ ഒരാൾ. ഇ​യാ​ളു​ടെ ഫോ​ട്ടോ​യും കൈ​യി​ൽ പ​ച്ച​കു​ത്തി​യ​തും ക​ണ്ട ഭാ​ര്യാ​സ​ഹോ​ദ​ര​നാ​ണ് തി​രി​ച്ച​റി​ഞ്ഞ​ത്. ഭാ​ര്യ​യും മ​ക്ക​ളു​മാ​യി അ​ക​ന്ന് ക​ഴി​യു​ന്ന സ​ന്തോ​ഷ് കു​മാ​ർ എ​ങ്ങ​നെ വി​ഴി​ഞ്ഞ​ത്ത് എ​ത്തി​യെ​ന്ന​ത് വ്യ​ക്ത​മ​ല്ലെ​ന്നും ബ​ന്ധു​ക്ക​ൾ പ​റ​യു​ന്നു.തി​ങ്ക​ളാ​ഴ്ച വൈ​കു​ന്നേ​രം നാ​ലോ​ടെ വി​ഴി​ഞ്ഞം മു​ഹി​യു​ദ്ദീ​ൻ പ​ള്ളി​ക്ക് സ​മീ​പമാണ്​ മൃതദേഹം കണ്ട​ത്. തീ​ര​ദേ​ശ പൊ​ലീ​സ് ക​ര​ക്കെ​ത്തി​ച്ച മൃ​ത​ദേ​ഹം ന​ട​പ​ടി​ക​ൾ​ക്കു​ശേ​ഷം പോ​സ്റ്റ്മോ​ർ​ട്ട​ത്തി​നാ​യി മെ​ഡി​ക്ക​ൽ കോ​ള​ജ് ആ​ശു​പ​ത്രി മോ​ർ​ച്ച​റി​യി​ലേ​ക്ക് മാ​റ്റി.

ക​ഴി​ഞ്ഞ ദി​വ​സം പ​ന​ത്തു​റ പു​ലി​മു​ട്ടി​ന് സ​മീ​പ​ത്തു​നി​ന്ന്​ യു​വാ​വി‍െൻറ മൃ​ത​ദേ​ഹം ക​ണ്ടെ​ത്തി​യി​രു​ന്നു. അ​ന്വേ​ഷ​ണ​ത്തി​ൽ പൂ​ന്തു​റ മ​ണ​പ്പു​റം വീ​ട്ടി​ൽ സാ​ജ​ൻ (33) ആ​ണെ​ന്ന് തി​രി​ച്ച​റി​ഞ്ഞു. 25 ന് ​കാ​ണാ​താ​യെ​ന്ന് ബ​ന്ധു​ക്ക​ൾ തീ​ര​ദേ​ശ പൊ​ലീ​സി​ന് മൊ​ഴി ന​ൽ​കി​യി​രു​ന്നു. ഇ​തി​നി​ട​യി​ൽ വൈ​കു​ന്നേ​രം ഒ​രാ​ളു​ടെ മൃ​ത​ദേ​ഹം ശം​ഖും​മു​ഖം ഭാ​ഗ​ത്ത് ഒ​ഴു​കി ന​ട​ക്കു​ന്ന​താ​യ വി​വ​രം പൊ​ലീ​സി​ന് ല​ഭി​ച്ച​ത്. ക്രി​സ്മ​സ് ദി​ന​ത്തി​ൽ പൂ​വാ​റി​ൽ കാ​ണാ​താ​യ ക്ല​മ​ന്‍റി​നാ​യു​ള്ള അ​ന്വേ​ഷ​ണ​വും തു​ട​രു​ന്നു.