Posted On
date_range Updated On
date_range വിഴിഞ്ഞത്ത് ലഹരി വസ്തുക്കളുമായി രണ്ടുപേർ പിടിയിൽ
വിഴിഞ്ഞം: വിഴിഞ്ഞത്ത് എം.ഡി.എം.എയുമായി രണ്ട് യുവാക്കൾ പിടിയിലായി. വിഴിഞ്ഞം കാേട്ടപ്പുറം കടയ്ക്കുളം സ്വദേശി ജൂഡ് (29), ആനാവൂർ മണ്ണലി കിഴക്കുംകര പുത്തൻവീട്ടിൽ അരുൺ (26) എന്നിവരാണ് അറസ്റ്റിലായത്.
സിറ്റി പോലീസ് കമീഷണർ സ്പർജൻ കുമാറിന്റെ നിർദേശപ്രകാരം ഫോർട്ട് എ.സി.പി സി. ഷാജി, വിഴിഞ്ഞം എസ്.എച്ച്.ഒ പ്രജീഷ് ശശി എന്നിവരുടെ നേതൃത്വത്തിലായിരുന്നു പരിശോധന. കഴിഞ്ഞദിവസം പുലർച്ച 1.30 ഓടെ വിഴിഞ്ഞം ബസ് സ്റ്റാൻഡിന് സമീപത്ത് നിന്നുമാണ് ഇരുവരെയും പിടികൂടിയത്.
ഇവരിൽനിന്ന് 15 ഗ്രാം എം.ഡി.എം.എ കണ്ടെടുത്തു. പിടിയിലായവരിൽ അരുൺ ആണ് ലഹരി മരുന്ന് ബംഗളൂരുവിൽ നിന്ന് ഇവിടെ എത്തിച്ചതെന്നും ജൂഡ് മുമ്പ് ലഹരികടത്തുകേസിലെ പ്രതിയാണെന്നും പൊലീസ് പറഞ്ഞു. എസ്.ഐ വിനോദ്, സീനിയർ സി.പി.ഒ സുനിൽകുമാർ, സി.പി.ഒമാരായ രാമു, അജേഷ് എന്നിവരും അന്വേഷണസംഘത്തിലുണ്ടായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.