ഇംഗ്ലീഷ് ഇന്ത്യന്‍ ക്ലേ ഫാക്ടറി തുറന്ന് പ്രവര്‍ത്തിപ്പിക്കണം -പ്രേമചന്ദ്രന്‍ : ഇംഗ്ലീഷ് ഇന്ത്യന്‍ ക്ലേ ഫാക്ടറി തുറന്ന് പ്രവർത്തിപ്പിക്കാന്‍ സര്‍ക്കാര്‍ ഉണര്‍ന്ന് പ്രവര്‍ത്തിക്കണമെന്നും നിഷേധാത്മക നിലപാട് സ്വീകരിക്കുന്ന മാനേജ്മൻെറിനെതിരെ നടപടി സ്വീകരിക്കണമെന്നും എന്‍.കെ. പ്രേമചന്ദ്രന്‍ എം.പി ആവശ്യപ്പെട്ടു. വേളി, തോന്നയ്ക്കല്‍ ഇംഗ്ലീഷ് ഇന്ത്യന്‍ ക്ലേ ഫാക്ടറികള്‍ പൂട്ടിയിടാന്‍ ഒത്താശ ചെയ്യുന്ന സര്‍ക്കാര്‍ നിലപാട് വഞ്ചനപരമാണ്. കമ്പനി പടിക്കല്‍ ഇംഗ്ലീഷ് ഇന്ത്യന്‍ ക്ലേ ഫാക്ടറി എംപ്ലോയീസ് യൂനിയന്‍ നടത്തിവരുന്ന സമരപരിപാടികളുടെ രണ്ടാം ഘട്ടം ഉദ്ഘാടനം ചെയ്യുകയായിരുന്നു അദ്ദേഹം. യൂനിയന്‍ വര്‍ക്കിങ് പ്രസിഡൻറ് അഡ്വ. കെ.ജി. സുരേഷ് ബാബു അധ്യക്ഷതവഹിച്ചു. യു.ടി.യു.സി സംസ്ഥാന വൈസ് പ്രസിഡൻറ് കെ. ജയകുമാര്‍, ജില്ല പ്രസിഡൻറ് എം. പോള്‍, അനില്‍ എന്നിവര്‍ സംസാരിച്ചു. പ്ലസ് ടു പരീക്ഷയില്‍ ഉജ്ജ്വല വിജയം നേടിയ യൂനിയന്‍ അംഗം എസ്. സുനില്‍കുമാറിൻെറ മകള്‍ എസ്.ആര്‍. സൂര്യയെ ആദരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.