നാലംഗ കുടുംബത്തിന് നാട് വിട നൽകി

ആ​റ്റി​ങ്ങ​ൽ: വ​ക്കം വെ​ളി​വി​ളാ​ക​ത്ത് ക​ഴി​ഞ്ഞ​ദി​വ​സം ആ​ത്മ​ഹ​ത്യ ചെ​യ്ത​നി​ല​യി​ൽ ക​ണ്ടെ​ത്തി​യ സ​ഹ​ക​ര​ണ ബാ​ങ്ക് ജീ​വ​ന​ക്കാ​ര​നും കു​ടും​ബ​ത്തി​നും നാ​ടി​ന്‍റെ അ​ന്ത്യാ​ഞ്ജ​ലി. മൃ​ത​ദേ​ഹ​ങ്ങ​ൾ സം​സ്ക​രി​ച്ചു. വ​ക്കം വെ​ളി​വി​ളാ​കം ക്ഷേ​ത്ര​ത്തി​നു സ​മീ​പം അ​ഷ്ട​പ​ദി​യി​ൽ അ​നി​ൽ​കു​മാ​ർ (50), ഭാ​ര്യ ഷീ​ജ (46), മ​ക്ക​ളാ​യ അ​ശ്വി​ൻ (25), ആ​കാ​ശ് (21) എ​ന്നി​വ​ർ​ക്കാ​ണ് നാ​ട് വി​ട ന​ൽ​കി​യ​ത്. പോ​സ്റ്റു​മോ​ർ​ട്ടാ​ന​ന്ത​രം ഉ​ച്ച​ക്ക്​ ഒ​ന്നോ​ടെ​യാ​ണ് മൃ​ത​ദേ​ഹ​ങ്ങ​ൾ വ​ക്ക​ത്തെ വീ​ട്ടി​ലെ​ത്തി​ച്ച​ത്. അ​വ​സാ​ന​മാ​യി ഒ​രു​നോ​ക്ക് കാ​ണാ​നും അ​ന്ത്യാ​ഞ്ജ​ലി അ​ർ​പ്പി​ക്കാ​നു​മാ​യി സ​മൂ​ഹ​ത്തി​ന്‍റെ നാ​നാ​തു​റ​ക​ളി​ലു​ള്ള നൂ​റു​ക​ണ​ക്കി​നാ​ളു​ക​ൾ രാ​വി​ലെ മു​ത​ൽ ത​ടി​ച്ചു കൂ​ടി​യി​രു​ന്നു. റീ​ത്തു​ക​ൾ കൊ​ണ്ടും ക​ണ്ണീ​ർ പൊ​ഴി​ച്ചും വാ​ക്കു​ക​ളി​ലൂ​ടെ​യും ആ​ദ​ര​വ​റി​യി​ച്ചു.

പൊ​തു​ദ​ർ​ശ​ന​ത്തി​നു ശേ​ഷം ആ​റ്റി​ങ്ങ​ൽ ന​ഗ​ര​സ​ഭ​യു​ടെ കീ​ഴി​ലു​ള്ള ശാ​ന്തി​തീ​രം ശ്മ​ശാ​ന​ത്തി​ൽ സം​സ്ക​രി​ച്ചു. മു​ൻ മ​ന്ത്രി ക​ട​കം​പ​ള്ളി സു​രേ​ന്ദ്ര​ൻ, ഒ.​എ​സ്. അം​ബി​ക എം.​എ​ൽ.​എ, കോ​ൺ​ഗ്ര​സ് നേ​താ​വ് വ​ർ​ക്ക​ല ക​ഹാ​ർ, ജി​ല്ല പ​ഞ്ചാ​യ​ത്ത് വൈ​സ് പ്ര​സി​ഡ​ൻ​റ് അ​ഡ്വ. ഷൈ​ല​ജ ബീ​ഗം, ചു​മ​ട്ടു​തൊ​ഴി​ലാ​ളി ക്ഷേ​മ​നി​ധി ബോ​ർ​ഡ് ചെ​യ​ർ​മാ​ൻ ആ​ർ. രാ​മു, സി.​പി.​എം ഏ​രി​യ സെ​ക്ര​ട്ട​റി എം. ​പ്ര​ദീ​പ് തു​ട​ങ്ങി​യ​വ​ർ വീ​ട്ടി​ലെ​ത്തി​യി​രു​ന്നു.

ചൊ​വ്വാ​ഴ്ച രാ​വി​ലെ​യാ​ണ് അ​നി​ൽ​കു​മാ​റി​നെ​യും കു​ടും​ബ​ത്തെ​യും സ്വ​ന്തം വീ​ട്ടി​ലെ ഹാ​ളി​നു​ള്ളി​ൽ തൂ​ങ്ങി മ​രി​ച്ച​നി​ല​യി​ൽ ക​ണ്ടെ​ത്തി​യ​ത്. മൃ​ത​ദേ​ഹ​ത്തി​ന് സ​മീ​പ​ത്തു നി​ന്ന്​ ആ​ത്മ​ഹ​ത്യാ കു​റി​പ്പും, ഡ​യ​റി​യും പോ​ലീ​സ് ക​ണ്ടെ​ത്തി​രു​ന്നു. സി.​പി.​എം വ​ക്കം ലോ​ക്ക​ൽ ക​മ്മി​റ്റി സെ​ക്ര​ട്ട​റി​യും വ​ക്കം ഫാ​ർ​മേ​ഴ്സ് ബാ​ങ്ക് ജീ​വ​ന​ക്കാ​ര​നും ആ​യി​രു​ന്നു അ​നി​ൽ​കു​മാ​ർ. കു​ടും​ബ​ത്തി​ന് വ​ലി​യ​തോ​തി​ൽ ക​ട​ബാ​ധ്യ​ത​ക​ൾ ഉ​ണ്ടാ​യി​രു​ന്ന​താ​ണ് ആ​ത്മ​ഹ​ത്യ​കാ​ര​ണ​മെ​ന്നാ​ണ് ആ​ത്മ​ഹ​ത്യാ​ക്കു​റി​പ്പി​ൽ പ​റ​ഞ്ഞി​രു​ന്ന​തും പോ​ലീ​സ് ഉ​റ​പ്പി​ക്കു​ന്ന​തും.