തിരുവനന്തപുരം: കുടപ്പനക്കുന്ന് മള്ട്ടി സ്പെഷാലിറ്റി മൃഗാശുപത്രിയില് മൃഗസംരക്ഷണ വകുപ്പ് ഏര്പ്പെടുത്തിയ അത്യാധുനിക ലേസര് ഡിജിറ്റല് എക്സ്റേ യൂനിറ്റിെൻറ ഉദ്ഘാടനം മന്ത്രി കെ. രാജു നിർവഹിച്ചു.
സംസ്ഥാനത്തെ 152 ബ്ലോക്കുകളില് ഏര്പ്പെടുത്തുന്ന രാത്രികാല ചികിത്സാ സൗകര്യം, ഗോസമൃദ്ധി-എന്.എല്.എം ഇന്ഷുറന്സ് പദ്ധതി എന്നിവയുടെ സംസ്ഥാനതല ഉദ്ഘാടനവും മന്ത്രി നിര്വഹിച്ചു. 42.5 ലക്ഷം ചെലവഴിച്ചാണ് ലേസര് ഡിജിറ്റല് എക്സ്റേ യൂനിറ്റ് സ്ഥാപിച്ചത്. ഇതിലൂടെ കര്ഷകര്ക്ക് വേഗത്തിലും മിതമായ നിരക്കിലും എക്സ്റേ ലഭ്യമാക്കാനാകും.
സംസ്ഥാനമുടനീളമുള്ള കന്നുകാലികള്ക്കും ക്ഷീര കര്ഷകര്ക്കും ഇന്ഷുറന്സ് ലഭ്യമാക്കുന്ന പദ്ധതിയാണ് ഗോസമൃദ്ധി. ഒരു കന്നുകാലിക്ക് ഒരു വര്ഷത്തേക്ക് 635 രൂപയാണ് കര്ഷകര് അടയ്ക്കേണ്ട ഇന്ഷുറന്സ് പ്രീമിയം. ബാക്കി തുക സര്ക്കാര് സബ്സിഡിയായി നല്കും. അഞ്ചുകോടി രൂപയാണ് സര്ക്കാര് ഈ പദ്ധതിക്കായി വകയിരുത്തിയിരിക്കുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.