ആറ്റിങ്ങൽ: പ്രവാസി നിരീക്ഷണത്തിൽ കഴിഞ്ഞ വീടിന് തീപിടിച്ചു. ഖത്തറിൽനിന്ന് നാട്ടിലെത്തി ക്വാറൻറീനിൽ കഴിഞ്ഞ കിഴുവിലം പഞ്ചായത്തിലെ ഗവ. ആയുർവേദ ആശുപത്രിക്ക് സമീപം നൈനാംകോണം റോഡിൽ സലീന മൻസിലിൽ സൈനുദ്ദീൻെറ വീട്ടിലാണ് ശനിയാഴ്ച രാവിലെ 10ന് തീപിടിത്തമുണ്ടായത്. വീടിനോട് ചേർന്നുള്ള വിറകുപുരയിൽനിന്ന് തീ കെട്ടിടത്തിലേക്ക് പടരുകയായിരുന്നു. ജനൽ ചില്ലുകൾ പൊട്ടി. ചുവരിനും കേടുപാടുണ്ടായി. ഓടിട്ട വീടിൻെറ മേൽക്കൂരയിലേക്ക് പടർന്ന തീ കഴുക്കോലിനും പട്ടികകൾക്കും നാശനഷ്ടമുണ്ടാക്കി. വിറക് പുരയിൽ ഉണ്ടായിരുന്ന വിറകുകൾ ഭാഗികമായി കത്തിനശിച്ചു. ആറ്റിങ്ങൽനിന്ന് ഫിർഫോഴ്‌സ്‌ എത്തിയപ്പോഴേക്കും നാട്ടുകാർ തീകെടുത്തിയിരുന്നു. പൊലീസും സംഭവസ്ഥലത്തെത്തി. സൈനുദ്ദീൻെറ ക്വാറൻറീൻ കാലം ശനിയാഴ്ച അവസാനിരിക്കെയായിരുന്നു അപകടം. കുടുംബാംഗങ്ങൾ മറ്റൊരു വീട്ടിലായിരുന്നു താമസം. ചിത്രം: veedu atl
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.