മ​ഴ പെ​യ്തു; ക​ര്‍ഷ​ക പ്ര​തീ​ക്ഷ​ക​ള്‍ നാ​മ്പെ​ടു​ക്കു​ന്നു

കൊ​ട​ക​ര: ചാ​റ്റി​ലാം​പാ​ടം പാ​ട​ശേ​ഖ​ര​ത്ത് വെ​ള്ളം കി​ട്ടാ​തെ ക​രി​ഞ്ഞു​ണ​ങ്ങി തു​ട​ങ്ങി​യ നെ​ല്‍ച്ചെ​ടി​ക​ള്‍ക്ക് അ​തി​ജീ​വ​ന പ്ര​തീ​ക്ഷ പ​ക​ര്‍ന്ന് ക​ഴി​ഞ്ഞ രാ​ത്രി പ്ര​ദേ​ശ​ത്ത് ക​ന​ത്ത പെ​യ്തു. കാ​ല​വ​ര്‍ഷം സ​ജീ​വ​മാ​കാ​ന്‍ താ​മ​സി​ച്ച​തി​നെ തു​ട​ര്‍ന്ന് പ​തി​വി​ലും ഒ​രു മാ​സം വൈ​കി വി​രി​പ്പു​കൃ​ഷി​യി​റ​ക്കി​യ ഇ​വി​ടെ നെ​ല്‍ച്ചെ​ടി​ക​ള്‍ ഉ​ണ​ക്ക് ഭീ​ഷ​ണി​യി​ലാ​യി​രു​ന്നു. ചി​ങ്ങം പി​റ​ക്കു​ന്ന​തി​ന് മു​മ്പേ മ​ഴ ദു​ര്‍ബ​ല​മാ​യ​തി​നെ തു​ട​ര്‍ന്ന് ചാ​റ്റി​ലാം​പാ​ട​ത്തെ തോ​ട് വ​റ്റി​വ​ര​ണ്ട​താ​ണ് മ​ഴ​യെ മാ​ത്രം ആ​ശ്ര​യി​ച്ച് വി​രി​പ്പ് കൃ​ഷി ചെ​യ്യു​ന്ന ഇ​വി​ട​ത്തെ ക​ര്‍ഷ​ക​ര്‍ക്ക് പ്ര​തി​സ​ന്ധി​യാ​യ​ത്. സ​മീ​പ പ്ര​ദേ​ശ​ങ്ങ​ളി​ലെ ലി​ഫ്റ്റ് ഇ​റി​ഗേ​ഷ​ന്‍ പ​ദ്ധ​തി​ക​ളി​ല്‍നി​ന്ന് പാ​ട​ശേ​ഖ​ര​ത്തി​ന്‍റെ ചി​ല ഭാ​ഗ​ങ്ങ​ളി​ലേ​ക്ക് വെ​ള്ള​മെ​ത്തി​ച്ച് നെ​ല്‍ച്ചെ​ടി​ക​ള്‍ ഉ​ണ​ങ്ങാ​തെ സം​ര​ക്ഷി​ക്കാ​ന്‍ ക​ര്‍ഷ​ക​ര്‍ ശ്ര​മി​ച്ചി​രു​ന്നു. കൃ​ഷി​ച്ചെ​ല​വ് ക്ര​മാ​തീ​ത​മാ​യി വ​ര്‍ധി​ക്കാ​നും ഇ​ത് കാ​ര​ണ​മാ​യി​രു​ന്നു. ചാ​ല​ക്കു​ടി വ​ല​തു​ക​ര ക​നാ​ലി​നു കീ​ഴി​ലെ ആ​റേ​ശ്വ​രം ഉ​പ​ക​നാ​ല്‍ വ​ഴി വെ​ള്ളം എ​ത്തി​ച്ച് കൃ​ഷി ര​ക്ഷി​ക്ക​ണ​മെ​ന്ന് ക​ര്‍ഷ​ക​ര്‍ ആ​വ​ശ്യ​പ്പെ​ട്ടി​രു​ന്നെ​ങ്കി​ലും ക​നാ​ല്‍ വൃ​ത്തി​യാ​ക്കാ​ത്ത​തി​നാ​ല്‍ ആ​വ​ശ്യം ന​ട​പ്പാ​യി​ല്ല.

വെ​ള്ളം കി​ട്ടാ​തെ കൃ​ഷി പൂ​ര്‍ണ​മാ​യും ഉ​ണ​ങ്ങി​ന​ശി​ക്കു​മെ​ന്ന അ​വ​സ്ഥ​യി​ലെ​ത്തി​നി​ല്‍ക്ക​വേ​യാ​ണ് ക​ര്‍ഷ​ക​ര്‍ക്ക് ആ​ശ്വാ​സം പ​ക​ര്‍ന്ന് മ​ഴ​പെ​യ്ത​ത്. മ​ഴ തു​ട​ര്‍ന്നും കി​ട്ടി​യാ​ല്‍ വി​രി​പ്പ് കൃ​ഷി ര​ക്ഷ​പ്പെ​ടു​മെ​ങ്കി​ലും മൂ​ന്നാ​ഴ്ച​യി​ലേ​റെ വെ​ള്ളം കി​ട്ടാ​തെ വ​ര​ണ്ടു കി​ട​ന്ന​തി​നാ​ല്‍ വി​ള​വ് ഗ​ണ്യ​മാ​യി കു​റ​യു​മെ​ന്ന ആ​ശ​ങ്ക ക​ര്‍ഷ​ക​ര്‍ക്കു​ണ്ട്.