പി​ക് അപ് വാ​ൻ വൈ​ദ്യു​തി തൂ​ണി​ലി​ടി​ച്ച് പാ​ട​ത്തേ​ക്ക് മ​റി​ഞ്ഞു

എ​രു​മ​പ്പെ​ട്ടി: നി​യ​ന്ത്ര​ണം വി​ട്ട പി​ക് അപ് വാ​ൻ വൈ​ദ്യു​തി തൂ​ണി​ലി​ടി​ച്ച് പാ​ട​ത്തേ​ക്ക് മ​റി​ഞ്ഞു. കു​ണ്ട​ന്നൂ​ർ ചു​ങ്കം ശ്രീ​കൃ​ഷ്ണ​പു​രം ക്ഷേ​ത്ര​ത്തി​ന് സ​മീ​പം സം​സ്ഥാ​ന​പാ​ത​യി​ൽ തി​ങ്ക​ളാ​ഴ്ച രാ​വി​ലെ ഏ​ഴ​ര​യോ​ടെ​യാ​ണ് അ​പ​ക​ടം. ക​ർ​ണാ​ട​ക​യി​ൽ​നി​ന്ന് ക​രി​മ്പു​മാ​യി വ​രി​ക​യാ​യി​രു​ന്ന പി​ക് അപ് വാ​നാ​ണ് അ​പ​ക​ട​ത്തി​ൽ​പ്പെ​ട്ട​ത്. ആ​ക്സി​ൽ മു​റി​ഞ്ഞ് നി​യ​ന്ത്ര​ണം വി​ട്ട വാ​ഹ​നം ഇ​രു​മ്പു കൊ​ണ്ടു​ള്ള വൈ​ദ്യു​തി തൂ​ണി​ലി​ടി​ച്ച ശേ​ഷം സ​മീ​പ​ത്തെ പാ​ട​ത്തേ​ക്ക് മ​റി​യു​ക​യാ​യി​രു​ന്നു.

വാ​ഹ​ന​ത്തി​ൽ ഉ​ണ്ടാ​യി​രു​ന്ന ക​ർ​ണാ​ട​ക സ്വ​ദേ​ശി​ക​ളാ​യ പ്ര​ഭു (24), ബ​സ​വ (23) എ​ന്നി​വ​ർ പ​രി​ക്കു​ക​ളി​ല്ലാ​തെ ര​ക്ഷ​പ്പെ​ട്ടു. ഇ​ടി​യു​ടെ ആ​ഘാ​ത​ത്തി​ൽ ഇ​രു​മ്പു കൊ​ണ്ടു​ള്ള വൈ​ദ്യു​തി തൂ​ൺ വ​ള​യു​ക​യും വൈ​ദ്യു​തി ക​മ്പി​ക​ൾ പൊ​ട്ടി​വീ​ഴു​ക​യും ചെ​യ്തു. പ്ര​ദേ​ശ​ത്ത് വൈ​ദ്യു​തി ബ​ന്ധം ത​ക​രാ​റി​ലാ​യി. കേ​ബി​ൾ ടി.​വി, കെ-​ഫോ​ൺ എ​ന്നി​വ​യു​ടെ കേ​ബി​ളു​ക​ൾ പൊ​ട്ടു​ക​യും ചെ​യ്തു.