എരുമപ്പെട്ടി: ആറ്റത്ര ആശാരിമുക്ക് പ്രദേശത്തെ വീടുകളുടെ വിവിധ ഭാഗങ്ങളിലും റോഡിലും പരിസരങ്ങളിലും കണ്ടെത്തിയ ചോരപ്പാടുകൾ മനുഷ്യ രക്തമാണെന്ന് തിരിച്ചറിഞ്ഞു.
പൊലീസ് ഫോറൻസിക് വിഭാഗം നടത്തിയ പരിശോധനയിലാണ് മനുഷ്യരക്തമാണെന്ന് കണ്ടെത്തിയത്. കഴിഞ്ഞ തിങ്കളാഴ്ച പുലർച്ചെയോടെയാണ് ആറ്റത്രയിലെ പുത്തൂർ വീട്ടിൽ തോമസ് സിജോ, നീലങ്കാവിൽ ഡേവിസ്, ഒറുവൻമാരിയിൽ മനോജ്, മുല്ലയ്ക്കൽ വിഷ്ണു ലാൽ, അറ്റത്ര ഹരിദാസ്, വിളക്കുതല രാജീവ്, അന്തിക്കാട്ടിൽ ജേക്കബ് എന്നിവരുടെ വീട്ടുപരിസരങ്ങളിൽ ചോരപ്പാടുകൾ കണ്ടെത്തിത്.
പോലീസിലെ ഫോറൻസിക് ഉദ്യോഗസ്ഥർ ശേഖരിച്ച് കൊണ്ടുപോയ രക്തസാമ്പിളുകളുടെ പരിശോധനയിലാണ് മനുഷ്യരക്തമാണെന്ന് തെളിഞ്ഞത്. രക്തക്കറ കണ്ട വീടുകളിലും പരിസരപ്രദേശങ്ങളിലും ശനിയാഴ്ച തൃശ്ശൂരിൽനിന്ന് പൊലീസ് ഡോഗ് സ്ക്വാഡ് എത്തി തെളിവെടുപ്പ് നടത്തി. എരുമപ്പെട്ടി പൊലീസ് ഇൻസ്പെക്ടർ കെ.കെ. ഭൂപേഷ്, എസ്.ഐ കെ. അബ്ദുൾ ഹക്കീം എന്നിവരുടെ നേതൃത്വത്തിൽ പൊലീസ് അന്വേഷണം ആരംഭിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.