തിരുവല്ല: സ്ത്രീ സൗഹൃദ ശുചിത്വ ബ്ലോക്ക് എന്ന ലക്ഷ്യത്തോടെ പുളിക്കീഴ് ബ്ലോക്ക് പഞ്ചായത്ത് നടപ്പാക്കിയ നിർമലം നിർഭയം പദ്ധതിയുടെ രണ്ടാംഘട്ട ഉദ്ഘാടനം ഈമാസം 28ന് രണ്ടിന് മാത്യു ടി.തോമസ് എം.എൽ.എ നിർവഹിക്കും. ബ്ലോക്ക് പഞ്ചായത്ത് പ്രസിഡൻറ് അംബികമോഹൻ അധ്യക്ഷതവഹിക്കും. ഡിവൈ.എസ്.പി രാജപ്പൻ റാവുത്തർ മുഖ്യപ്രഭാഷണം നടത്തും. പദ്ധതിയുടെ രണ്ടാംഘട്ടമായി ബ്ലോക്ക് പഞ്ചായത്ത് ഫണ്ട് വകയിരുത്തി പുളിക്കീഴ് പൊലീസ് സ്റ്റേഷൻെറ കീഴിലെ കടപ്ര, നിരണം, നെടുമ്പ്രം, പെരിങ്ങര എന്നീ ഗ്രാമപഞ്ചായത്തുകളിലെ പ്രധാനപ്പെട്ട സ്ഥലങ്ങളിൽ കാമറ സ്ഥാപിച്ചു. 25 ലക്ഷം രൂപയാണ് രണ്ടാഘട്ടത്തിൽ പദ്ധതിക്കായി ചെലവഴിച്ചതെന്ന് ബ്ലോക്ക് പഞ്ചായത്ത് പ്രസിഡൻറ് അംബിക മോഹൻ പറഞ്ഞു. പുളിക്കീഴ് പൊലീസ് സ്റ്റേഷനിൽ മോണിറ്ററിങ് ചെയ്യുന്ന സംവിധാനമാണ് ഈ പദ്ധതി. സ്ത്രീ സുരക്ഷ ഉറപ്പാക്കാനും മാലിന്യം വലിച്ചെറിയുന്നത് തടയാനും പദ്ധതി സഹായകരമാകും. റാങ്ക് ജേതാക്കളെ അനുമോദിച്ചു തിരുവല്ല: പരുമല മാർ ഗ്രീഗോറിയോസ് കോളജിൽ എം.ജി യൂനിവേഴ്സിറ്റി റാങ്ക് ജേതാക്കളായ ബിൻസി വർഗീസ് (ഒന്നാംറാങ്ക് ബി.എ ഇംഗ്ലീഷ്), അലീന ആൻ മാത്യു.(അഞ്ചാംറാങ്ക് -ഫാഷൻ ടെക്നോളജി), ജോയൽ ജോൺസൺ (എട്ടാംറാങ്ക് ബി.എ ഇംഗ്ലീഷ്) എന്നിവരെ അനുമോദിച്ചു. ഓർത്തഡോക്സ് സഭ നിരണം ഭദ്രാസനാധിപൻ ഡോ. യൂഹാനോൻ മാർ ക്രിസോസ്റ്റമോസ് മെത്രാപ്പൊലീത്ത ഉദ്ഘാടനം ചെയ്തു. പ്രിൻസിപ്പൽ പ്രഫ. ഇ. ജോൺ മാത്യു അധ്യക്ഷതവഹിച്ചു. ഫാ. ഡോ. കുര്യൻ ദാനിയേൽ, ഫാ. ജേക്കബ് ഫിലിപ്, പ്രഫ. കെ.കെ. രാജു, സി.ഇ. വർഗീസ്, ബിനോയ് തോമസ്, തുടങ്ങിയവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.