നഗരത്തിൽ അപകടക്കെണിയായി നടപ്പാതകൾ

പാ​ല​ക്കാ​ട്: ന​ഗ​ര​ത്തി​ൽ തി​ര​ക്കേ​റി​യ റോ​ഡു​ക​ളി​ൽ പൊ​ട്ടി​പ്പൊ​ളി​ഞ്ഞ ന​ട​പ്പാ​ത​ക​ൾ അ​പ​ക​ട​ക്കെ​ണി​യാ​കു​ന്നു. കെ.​എ​സ്.​ആ​ർ.​ടി.​സി സ്റ്റാ​ൻ​ഡ് മു​ത​ൽ മേ​ഴ്സി കോ​ള​ജ് ജ​ങ്ഷ​ൻ വ​രെ​യു​ള്ള റോ​ഡി​ൽ ന​ട​പ്പാ​ത​ക​ൾ ത​ക​ർ​ന്നി​രി​ക്കു​ക​യാ​ണ്. കെ.​എ​സ്.​ആ​ർ.​ടി.​സി സ്റ്റാ​ൻ​ഡി​നു മു​ന്നി​ൽ മി​ക്ക​യി​ട​ത്തും ന​ട​പ്പാ​ത​ക​ളി​ൽ സ്ലാ​ബു​ക​ളി​ല്ലാ​ത്ത സ്ഥി​തി​യാ​ണ്.

അ​ബൂ​ബ​ക്ക​ർ റോ​ഡി​ൽ​നി​ന്ന് ബി.​ഇ.​എം സ്കൂ​ൾ ഭാ​ഗ​ത്തേ​ക്ക് വ​രു​ന്ന ഭാ​ഗ​ത്ത് റോ​ഡി​ന്റെ അ​രി​കു ത​ക​ർ​ച്ച​ക്ക് പു​റ​മെ സ്ലാ​ബു​ക​ൾ ഇ​ല്ലാ​ത്ത​തും അ​പ​ക​ട​ഭീ​ഷ​ണി ഉ​യ​ർ​ത്തു​ന്നു. ന​ട​പ്പാ​ത​യി​ലെ അ​പ​ക​ട​മു​ന്ന​റി​യി​പ്പ് ന​ൽ​കു​ന്ന​തി​നാ​യി ട്രാ​ഫി​ക് കോ​ണു​ക​ളും പൂ​ച്ചെ​ടി​യും വെ​ച്ചി​ട്ടു​ണ്ട്. പ​ക​ൽ​സ​മ​യ​ത്ത് ഇ​ത് ശ്ര​ദ്ധ​യി​ൽ​പ്പെ​ടു​മെ​ങ്കി​ലും രാ​ത്രി സ​മ​യ​ങ്ങ​ളി​ൽ അ​പ​ക​ട​സാ​ധ്യ​ത​യാ​ണ്.

ഇ​തേ പാ​ത​യി​ൽ പ​ള്ളി​ക്കു സ​മീ​പ​ത്തു​നി​ന്ന് പു​തു​പ്പ​ള്ളി​തെ​രു​വ് റോ​ഡി​ലേ​ക്ക് തി​രി​യു​ന്ന ഭാ​ഗ​ത്തും റോ​ഡി​ന്റെ അ​രി​ക് ത​ക​ർ​ന്ന​ത് കാ​ൽ​ന​ട​യാ​ത്ര​ക്കാ​ർ​ക്ക് ഭീ​ഷ​ണി​യാ​കു​ന്നു. നൂ​റു​മീ​റ്റ​ർ വ്യ​ത്യാ​സ​ത്തി​ൽ ര​ണ്ട് ഭാ​ഗ​ത്താ​ണ് ന​ട​പ്പാ​ത​യി​ലെ സ്ലാ​ബു​ക​ൾ ത​ക​ർ​ന്നി​രി​ക്കു​ന്ന​ത്. സ്റ്റാ​ൻ​ഡി​നു മു​ന്നി​ൽ​നി​ന്ന് മ​ഞ്ഞ​ക്കു​ളം റോ​ഡി​ലേ​ക്ക് പോ​കു​ന്ന ഭാ​ഗ​ത്ത് സ്ലാ​ബ് ഇ​ല്ലാ​തി​രു​ന്ന​ത് അ​ടു​ത്ത​കാ​ല​ത്താ​ണ് പു​നഃ​സ്ഥാ​പി​ച്ച​ത്. രാ​പ​ക​ല​ന്യേ നൂ​റു​ക​ണ​ക്കി​ന് കാ​ൽ​ന​ട​യാ​ത്ര​ക്കാ​രാ​ണ് ആ​ശ്ര​യി​ക്കു​ന്ന കെ.​എ​സ്.​ആ​ർ.​ടി.​സി സ്റ്റാ​ൻ​ഡി​നു മു​ന്നി​ലെ ന​ട​പ്പാ​ത ആ​ശ്ര​യി​ക്കു​ന്ന​ത്.