റെ​യി​ൽ പാ​ല​ത്തി​ന്റെ ഗ​ർ​ഡ​റു​ക​ൾ പു​തു​ക്കി സ്ഥാ​പി​ച്ചു; ഇ​നി ട്രെ​യി​നു​ക​ൾ​ക്ക് വേ​ഗ​ത്തി​ലോ​ടാം

ഷൊ​ർ​ണൂ​ർ: ഭാ​ര​ത​പ്പു​ഴ​ക്ക് കു​റു​കെ​യു​ള്ള റെ​യി​ൽ​വേ പാ​ല​ത്തി​ന്റെ ഉ​രു​ക്ക് ഗ​ർ​ഡ​റു​ക​ൾ മാ​റ്റി സ്ഥാ​പി​ച്ചു. അ​ര​നൂ​റ്റാ​ണ്ടോ​ളം പ​ഴ​ക്ക​മു​ള്ള പാ​ല​ത്തി​ൻ്റെ തൂ​ണു​ക​ൾ​ക്കി​ട​യി​ലു​ള്ള ഗ​ർ​ഡ​റു​ക​ൾ തു​രു​മ്പെ​ടു​ത്ത് തു​ട​ങ്ങി​യി​രു​ന്നു. വി​ദ​ഗ്ധ പ​രി​ശോ​ധ​ന​യി​ൽ ബ​ല​ക്ഷ​യം തു​ട​ങ്ങി​യ​താ​യി ക​ണ്ടെ​ത്തി​യ​തോ​ടെ​യാ​ണ് ഇ​വ മാ​റ്റി സ്ഥാ​പി​ക്കാ​ൻ തീ​രു​മാ​ന​മാ​യ​ത്. എ​ന്നാ​ൽ, ക​രി​ങ്ക​ല്ലി​ൽ പ​ടു​ത്തു​യ​ർ​ത്തി​യ തൂ​ണു​ക​ൾ​ക്ക് ഇ​പ്പോ​ഴും ന​ല്ല ഉ​റ​പ്പാ​ണെ​ന്ന് അ​ധി​കൃ​ത​ർ പ​റ​ഞ്ഞു.

ഭാ​ര​ത​പ്പു​ഴ​ക്ക് കു​റു​കെ റെ​യി​ൽ​വെ ആ​ദ്യം നി​ർ​മി​ച്ച പാ​ല​ത്തി​ന്റെ ഗ​ർ​ഡ​റു​ക​ളാ​ണി​പ്പോ​ൾ മാ​റ്റി സ്ഥാ​പി​ച്ച​ത്. ഈ ​പാ​ല​ത്തി​ന് സ​മാ​ന്ത​ര​മാ​യി പി​ന്നീ​ട് നി​ർ​മി​ച്ച പാ​ല​ത്തി​ന് ബ​ല​ക്ഷ​യ​മി​ല്ല. പു​ഴ​യി​ൽ മ​ണ്ണി​ട്ട് റോ​ഡു​ണ്ടാ​ക്കി​യാ​ണ് ഗ​ർ​ഡ​റു​ക​ൾ സ്ഥാ​പി​ക്കാ​നു​ള്ള ഭീ​മാ​കാ​ര​മാ​യ ക്രെ​യി​നു​ക​ൾ എ​ത്തി​ച്ച​ത്. ഗ​താ​ഗ​ത​നി​യ​ന്ത്ര​ണ​മേ​ർ​പ്പെ​ടു​ത്തി​യും ഇ​തി​ലൂ​ടെ ക​ട​ന്നു​പോ​കു​ന്ന ര​ണ്ട് ട്രെ​യി​നു​ക​ൾ​ക്കി​ട​യി​ലെ സ​മ​യ​ദൈ​ർ​ഘ്യം നോ​ക്കി​യു​മാ​ണ് പ്ര​വൃ​ത്തി​ക​ൾ ന​ട​ത്തി​യ​ത്. ചെ​ന്നൈ​യി​ൽ​നി​ന്നാ​ണ് സ്പാ​നു​ക​ളും അ​നു​ബ​ന്ധ യ​ന്ത്ര​സാ​മ​ഗ്രി​ക​ളും എ​ത്തി​ച്ച​ത്.

ബ​ല​ക്ഷ​യം കാ​ര​ണം പാ​ല​ത്തി​ലൂ​ടെ 30 കി​ലോ​മീ​റ്റ​ർ വേ​ഗ​ത​യി​ൽ മാ​ത്ര​മാ​ണ് ട്രെ​യി​നു​ക​ൾ ക​ട​ന്നു പോ​യി​രു​ന്ന​ത്. വ​ന്ദേ ഭാ​ര​ത് അ​ട​ക്കം വേ​ഗ​ത കൂ​ടു​ത​ലു​ള്ള ട്രെ​യി​നു​ക​ൾ​ക്ക് ഇ​തി​നാ​ൽ സ​മ​യ​ന​ഷ്ടം ഉ​ണ്ടാ​യി​രു​ന്നു. നി​ല​വി​ലെ സ്ഥി​തി​യി​ൽ ട്രെ​യി​നു​ക​ൾ​ക്ക് ആ​വ​ശ്യ​ത്തി​ന​നു​സ​രി​ച്ചു​ള്ള വേ​ഗ​ത​യി​ൽ ക​ട​ന്നു പോ​കാം.