പുലാപ്പറ്റ: മണ്ണമ്പറ്റ മുറിച്ചിറ വീട്ടില്‍ ശില്‍പ രവിചന്ദ്രന്‍ ഹയര്‍ സെക്കൻഡറിയില്‍ മുഴുവന്‍ വിഷയങ്ങളിലും എ പ്ലസ് നേടി താരമായി. ജന്‍മനാ ഇരുകണ്ണുകള്‍ക്കും കാഴ്ചയില്ലാത്ത ശിൽപ തെൻറ നിശ്ചയദാര്‍ഢ്യം കൊണ്ടാണ് പ്രതിസന്ധികളെ മറികടന്നത്. ഹയര്‍ സെക്കൻഡറിയില്‍ കൊമേഴ്സ് വിത്ത് കംപ്യൂട്ടര്‍ അപ്ലിക്കേഷന്‍ വിഭാഗത്തിലാണ് ശ്രീകൃഷ്ണപുരം ഹയര്‍ സെക്കൻഡറി സ്കൂളില്‍ ശില്‍പ പഠിച്ചത്.
സംസ്ഥാനത്ത് തന്നെ അപൂർവമായാണ് കാഴ്ചപരിമിതിയുള്ള കുട്ടികള്‍ ഈ വിഭാഗം തിരഞ്ഞെടുക്കുന്നത്. അതില്‍തന്നെ ആദ്യമായാണ് കാഴ്ചയില്ലാത്ത ഒരു വിദ്യാർഥി മുഴുവന്‍ വിഷയങ്ങളിലും എ പ്ലസ് നേടുന്നത്. ശ്രീകൃഷ്ണപുരം മുറിച്ചിറയില്‍ കൂലിത്തൊഴിലാളിയായ രവിചന്ദ്രെൻറയും വസന്തകുമാരിയുടെയും മകളാണ്. സഹോദരന്‍ ഐ.ടി.ഐ വിദ്യാഥി ശശികുമാര്‍.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.