കോങ്ങാട് പാറശ്ശേരിയിൽ മറിഞ്ഞ കാറും അപകടത്തിൽ പെട്ട ബൈക്കും
കോങ്ങാട്: കാർ ഡിവൈഡറിലിടിച്ച് ബൈക്കിന് മുകളിലേക്ക് മറിഞ്ഞ് അഞ്ചുപേർക്ക് പരിക്കേറ്റു. ബൈക്ക് യാത്രികരായ കോങ്ങാട് നായാടിക്കുന്ന് രാജന്റെ മകൻ വിഷ്ണുദാസ് (33), സഹോദരി സവിത (32), കാർ യാത്രക്കാരായ പെരിന്തൽമണ്ണ അന്നമനട പൂക്കാട്ടിൽ തൊടി വീട്ടിൽ സെയ്ത്, മകൻ മുഹമ്മദ് ജസീൻ, മുഹമ്മദ് ജസീന്റെ ഭാര്യ നജിയ തസ്നി (23) എന്നിവർക്കാണ് പരിക്ക്. ഇവരെ ആദ്യം കോങ്ങാട് സ്വകാര്യ ആശുപത്രിയിൽ പ്രവേശിപ്പിച്ചു. പിന്നീട് കാർ യാത്രക്കാരെ പെരിന്തൽമണ്ണ സ്വകാര്യ ആശുപത്രിയിലേക്ക് മാറ്റി.
മുണ്ടൂർ-തൂത സംസ്ഥാന പാതയിൽ രാവിലെ 11.30ഓടെയാണ് സംഭവം. പാലക്കാട് ഭാഗത്തുനിന്ന് ചെർപ്പുളശ്ശേരിയിലേക്ക് പോവുകയായിരുന്ന കാർ നിയന്ത്രണം വിട്ട് പാറശ്ശേരി പെട്രോൾ പമ്പിന് സമീപത്തെ ഡിവൈഡറിലിടിച്ചാണ് അപകടം. ഇടിയുടെ ആഘാതത്തിൽ കാർ ഓടികൊണ്ടിരിക്കുന്ന ബൈക്കിലേക്കാണ് മറിഞ്ഞത്. കോങ്ങാട് നിലയത്തിലെ അഗ്നിരക്ഷാസേന എത്തിയാണ് പരിക്കേറ്റവരെ ആശുപത്രിയിലെത്തിച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.