സ്വാ​ലി​ഹി​ന്റെ കൊ​ല​പാ​ത​കം: കാ​ർ ത​ക​ർ​ത്ത നി​ല​യി​ൽ; വ​ഴി​നീ​ളെ ര​ക്തം

തി​രൂ​ർ: കൂ​ട്ടാ​യി പ​ടി​ഞ്ഞാ​റേ​ക്ക​ര​ക്ക് സ​മീ​പം കാ​ട്ടി​ല​പ്പ​ള്ളി​യി​ൽ കൊ​മ്പ​ൻ​ത​റ​യി​ൽ സ്വാ​ലി​ഹി​ന്റെ കൊ​ല​പാ​ത​ക​ത്തി​ൽ ക​ലാ​ശി​ച്ച​ത് പ്രാ​വി​നെ വ​ള​ർ​ത്തു​ന്ന​തു​മാ​യി ബ​ന്ധ​പ്പെ​ട്ട ത​ർ​ക്ക​മെ​ന്ന് സൂ​ച​ന. കാ​ട്ടി​ല​പ്പ​ള്ളി കൊ​ല്ല​രി​ക്ക​ൽ യാ​സീ​ന്റെ വീ​ട്ടു​വ​ള​പ്പി​ൽ ശ​നി​യാ​ഴ്ച രാ​വി​ലെ ഏ​ഴോ​ടെ​യാ​ണ് സ്വാ​ലി​ഹി​നെ വെ​ട്ടേ​റ്റ് മ​രി​ച്ച നി​ല​യി​ൽ ക​ണ്ടെ​ത്തി​യ​ത്. മൃ​ത​ദേ​ഹം ക​ണ്ടെ​ത്തി​യ വീ​ട്ടി​ൽ​നി​ന്ന് കു​റ​ച്ച് അ​ക​ലെ​യാ​യി സ്വാ​ലി​ഹി​ന്റെ കാ​ർ ത​ക​ർ​ക്ക​പ്പെ​ട്ട നി​ല​യി​ലാ​ണ്.

കാ​ർ കി​ട​ക്കു​ന്ന ഭാ​ഗ​ത്തു​നി​ന്ന് ആ​ക്ര​മി​ക്ക​പ്പെ​ട്ട സ്വാ​ലി​ഹ്, ഓ​ടി ര​ക്ഷ​പ്പെ​ടാ​ൻ ശ്ര​മി​ക്കു​ന്ന​തി​നി​ടെ യാ​സീ​ന്റെ വീ​ട്ടു​വ​ള​പ്പി​ൽ എ​ത്തി​യെ​ന്നാ​ണ് ക​രു​തു​ന്ന​ത്. കാ​ർ കി​ട​ക്കു​ന്ന സ്ഥ​ലം മു​ത​ൽ മൃ​ത​ദേ​ഹം കി​ട​ക്കു​ന്ന യാ​സീ​ന്റെ വീ​ട് വ​രെ ര​ക്ത​മു​ണ്ട്. കാ​റി​ന്റെ മു​ൻ​വ​ശ​ത്തെ ഗ്ലാ​സ് അ​ടി​ച്ച് ത​ക​ർ​ത്തി​ട്ടു​മു​ണ്ട്. വെ​ള്ളി​യാ​ഴ്ച രാ​ത്രി പ​ണ്ടാ​യി​ലെ റോ​ഡ​രി​കി​ൽ കൊ​ല്ല​പ്പെ​ട്ട സ്വാ​ലി​ഹും മ​റ്റൊ​രാ​ളും ത​മ്മി​ൽ അ​ടി​പി​ടി ഉ​ണ്ടാ​യി​രു​ന്ന​താ​യി നാ​ട്ടു​കാ​ർ പ​റ​ഞ്ഞു. ശ​നി​യാ​ഴ്ച രാ​വി​ലെ ഏ​ഴി​നാ​ണ് കൊ​ല​പാ​ത​ക വാ​ർ​ത്ത നാ​ട്ടു​കാ​ർ അ​റി​യു​ന്ന​ത്.