പുലാമന്തോൾ ബസ് സ്റ്റാൻഡ്​ ആ​ർ.​ടി.​ഒ അധികൃതർ സന്ദർശിച്ചു

പു​ലാ​മ​ന്തോ​ൾ: ബ​സു​ക​ൾ ക​യ​റാ​ത്ത പ്ര​ശ്നം പ​രി​ഹ​രി​ക്കു​ന്ന​തി​ന്റെ ഭാ​ഗ​മാ​യി പു​ലാ​മ​ന്തോ​ൾ ബ​സ് സ്റ്റാ​ൻ​ഡ് ആ​ർ.​ടി.​ഒ അ​ധി​കാ​രി​ക​ൾ സ​ന്ദ​ർ​ശി​ച്ചു. ഗ്രാ​മ​പ​ഞ്ചാ​യ​ത്തും ബ​സ് ജീ​വ​ന​ക്കാ​രു​മാ​യു​ള്ള പ്ര​ശ്നം പ​രി​ഹ​രി​ക്കാ​ൻ ഹൈ​കോ​ട​തി ജി​ല്ല ആ​ർ.​ടി.​ഒ​ക്ക് നി​ർ​ദേ​ശം ന​ൽ​കി​യി​രു​ന്നു. ക​ഴി​ഞ്ഞ മാ​സം 25 ന് ​പു​ലാ​മ​ന്തോ​ൾ പ​ഞ്ചാ​യ​ത്ത് ഓ​ഫി​സി​ൽ ന​ട​ന്ന യോ​ഗ​ത്തി​ൽ ബ​സു​ക​ൾ നി​ർ​ബ​ന്ധ​മാ​യും സ്റ്റാ​ൻ​ഡി​ൽ ക​യ​റ​ണ​മെ​ന്ന് ഗ്രാ​മ​പ​ഞ്ചാ​യ​ത്തും ജി​ല്ല ആ​ർ.​ടി.​ഒ യും ​നി​ർ​ദേ​ശി​ച്ചി​രു​ന്നു. നി​ല​വി​ലെ സാ​ഹ​ച​ര്യ​ത്തി​ൽ സ്റ്റാ​ൻ​ഡി​ൽ ക​യ​റാ​നാ​വി​ല്ലെ​ന്ന് പ​റ​ഞ്ഞ് ബ​സ് ജീ​വ​ന​ക്കാ​രും മു​ത​ലാ​ളി​മാ​രും യോ​ഗ​ത്തി​ൽ നി​ന്നി​റ​ങ്ങി​പ്പോ​യി.

27ന് ​ബ​സു​ക​ളെ സ്റ്റാ​ൻ​ഡി​ൽ ക​യ​റ്റാ​ൻ ഹോം ​ഗാ​ർ​ഡി​നെ നി​യോ​ഗി​ച്ച​തി​ൽ പ്ര​തി​ഷേ​ധി​ച്ച് ബ​സ് ജീ​വ​ന​ക്കാ​ർ മി​ന്ന​ൽ പ​ണി​മു​ട​ക്ക് ന​ട​ത്തി​യി​രു​ന്നു. തു​ട​ർ​ന്നാ​ണ് ഇ​രു ഭാ​ഗ​ത്ത് നി​ന്നും പ​രാ​തി കേ​ട്ട് ഉ​ചി​ത തീ​രു​മാ​ന​മെ​ടു​ക്കാ​ൻ ജി​ല്ല ആ​ർ.​ടി.​എ​യോ​ട് കേ​ര​ള ഹൈ​കോ​ട​തി ഉ​ത്ത​ര​വി​ട്ട​ത്. ബ​സ് സ്റ്റാ​ൻ​ഡ് ക​മ്മി​റ്റി പ്ര​തി​നി​ധി പി.​ടി. ഹ​നീ​ഫ, പു​ലാ​മ​ന്തോ​ൾ പ​ഞ്ചാ​യ​ത്ത് പ്ര​സി​ഡ​ന്റ് പി. ​സൗ​മ്യ എ​ന്നി​വ​ർ അ​ധി​കൃ​ത​രു​മാ​യി സം​സാ​രി​ച്ചു.