മഞ്ചേരിയിൽ അടച്ചിട്ട ആറ് വീടുകളിൽ മോഷണം

മ​ഞ്ചേ​രി: ന​ഗ​ര​ത്തെ വി​റ​പ്പി​ച്ച് മ​ഞ്ചേ​രി​യി​ൽ മോ​ഷ്ടാ​വി​ന്റെ വി​ള​യാ​ട്ടം. അ​രു​കി​ഴാ​യ​യി​ല്‍ അ​ട​ച്ചി​ട്ട ആ​റ് വീ​ടു​ക​ൾ കു​ത്തി​ത്തു​റ​ന്ന് മോ​ഷ​ണം. വ്യാ​ഴാ​ഴ്ച പു​ല​ർ​ച്ച​യാ​ണ് സം​ഭ​വം. ശി​വ​ക്ഷേ​ത്ര​ത്തി​ന് സ​മീ​പം പൂ​മ​ങ്ക​ല​ത്ത് ഉ​ണ്ണി​കൃ​ഷ്ണ​ന്‍ ന​മ്പീ​ശ​ന്റെ വീ​ട്ടി​ല്‍നി​ന്ന് മൂ​ന്ന​ര പ​വ​ന്‍ സ്വർണാഭരണം ക​വ​ർ​ന്നു. വീ​ടി​ന്റെ പൂ​ട്ടു​ക​ൾ ക​മ്പി​പ്പാ​ര ഉ​പ​യോ​ഗി​ച്ച് ത​ക​ർ​ത്താ​ണ് മോ​ഷ​ണം ന​ട​ത്തി​യ​ത്. കി​ട​പ്പു​മു​റി​യി​ലെ അ​ല​മാ​ര​യി​ല്‍ സൂ​ക്ഷി​ച്ച നൂ​ല്‍ചെ​യി​ന്‍, ക​മ്മ​ല്‍, പ​ണം എ​ന്നി​വ​യാ​ണ് മോ​ഷ്ടി​ച്ച​ത്. ഉ​ണ്ണി​കൃ​ഷ്ണ​ൻ ന​മ്പീ​ശ​ൻ ക​ഴി​ഞ്ഞ ദി​വ​സം ഉ​ച്ച​ക്ക് വീ​ട് പൂ​ട്ടി മ​ക​ളു​ടെ അ​ടു​ത്ത് പോ​യ​താ​യി​രു​ന്നു.

യു.​സി. ഉ​ണ്ണി​കൃ​ഷ്ണ​ൻ ന​മ്പൂ​തി​രി, ശി​വ​പ്ര​കാ​ശ്, മോ​ഹ​ന​ൻ, മീ​മ്പാ​ട്ട് സ​ര​സ്വ​തി, എ​റി​യാ​ട്ടു​വീ​ട്ടി​ൽ വി​ജ​യ​കു​മാ​ർ എ​ന്നി​വ​രു​ടെ വീ​ടു​ക​ളി​ലും മോ​ഷ്ടാ​വ് എ​ത്തി. വീ​ടു​ക​ളി​ലെ സാ​ധ​ന സാ​മ​ഗ്രി​ക​ള്‍ വാ​രി​വ​ലി​ച്ചി​ട്ട നി​ല​യി​ലാ​ണ്.

ഇ​വി​ടെ​നി​ന്ന് വി​ല​പി​ടി​പ്പു​ള്ള​തൊ​ന്നും ന​ഷ്ട​മാ​യി​ട്ടി​ല്ലെ​ന്നാ​ണ് വി​വ​രം. വി​ജ​യ​കു​മാ​ർ ഡ​ൽ​ഹി​യി​ലും മോ​ഹ​ന​ൻ കാ​ന​ഡ​യി​ലു​മാ​ണ്. യു.​സി. ഉ​ണ്ണി​കൃ​ഷ്ണ​ൻ തൃ​ശൂ​രി​ലാ​ണ്. വി​ജ​യ​കു​മാ​റി​ന്റെ വീ​ട്ടി​ലെ സി.​സി.​ടി.​വി മോ​ഷ്ടാ​വ് ഓ​ഫാ​ക്കി​യ നി​ല​യി​ലാ​ണ്. മ​ഞ്ചേ​രി പൊ​ലീ​സ് അ​ന്വേ​ഷ​ണം ആ​രം​ഭി​ച്ചു.