കു​ത്തി​യൊ​ഴുകി ചാ​ലി​യാ​ര്‍; ദു​രി​ത​ത്തി​ലാ​യ ആ​ദി​വാ​സി​ക​ള്‍ക്ക് ര​ക്ഷ​ക​രാ​യി അ​ഗ്നിര​ക്ഷാ സേ​ന

എ​ട​ക്ക​ര: മു​ണ്ടേ​രി ഇ​രു​ട്ടു​കു​ത്തി​യി​ല്‍ കു​ത്തി​യൊ​ഴു​കു​ന്ന ചാ​ലി​യാ​ര്‍ പു​ഴ ക​ട​ക്കാ​നാ​കാ​തെ ദു​രി​ത​ത്തി​ലാ​യ ആ​ദി​വാ​സി​ക​ള്‍ക്ക് ര​ക്ഷ​ക​രാ​യി അ​ഗ്നി ര​ക്ഷാ സേ​ന. വാ​ണി​യം​പു​ഴ ന​ഗ​റി​ലെ വി​പി​ന്‍, വെ​ള്ള​ന്‍ തു​ട​ങ്ങി അ​ഞ്ച് ആ​ദി​വാ​സി​ക​ളാ​ണ് ചാ​ലി​യാ​ര്‍ ക​ട​ക്കാ​നാ​കാ​തെ മ​ണി​ക്കൂ​റു​ക​ളോ​ളം ദു​രി​ത​ത്തി​ലാ​യ​ത്.

വാ​ര്‍ഡം​ഗം അ​റി​യി​ച്ച​തി​നെ​ത്തു​ട​ര്‍ന്ന് നി​ല​മ്പൂ​രി​ല്‍ നി​ന്നും അ​ഗ്നി ര​ക്ഷാ​സേ​ന സ്ഥ​ല​ത്തെ​ത്തി ഇ​വ​രെ അ​തി​സാ​ഹ​സി​ക​മാ​യി ഡി​ങ്കി ബോ​ട്ടി​ല്‍ മ​റു​ക​ര​യി​ല്‍ എ​ത്തി​ക്കു​ക​യാ​യി​രു​ന്നു. രാ​വി​ലെ പു​ഴ​യി​ല്‍ വെ​ള്ളം കു​റ​വാ​യി​രു​ന്നു. ഇ​തേ​ത്തു​ട​ര്‍ന്നാ​ണ് വി​പി​നും വെ​ള്ള​നും മ​റ്റു​ള്ള​വ​രും സാ​ധ​ന​ങ്ങ​ള്‍ വാ​ങ്ങാ​ന്‍ ചാ​ലി​യാ​ര്‍ നീ​ന്തി​ക്ക​ട​ന്ന് മു​ണ്ടേ​രി​യി​ലെ​ത്തി​യ​ത്. സാ​ധ​ന​ങ്ങ​ള്‍ വാ​ങ്ങി തി​രി​കെ പോ​കാ​നെ​ത്തി​യ​പ്പോ​ഴേ​ക്കും പു​ഴ​യി​ല്‍ വെ​ള്ളം ഉ​യ​രു​ക​യും കു​ത്തൊ​ഴു​ക്ക് അ​നു​ഭ​വ​പ്പെ​ടു​ക​യും ചെ​യ്തു.

തു​ട​ര്‍ന്നാ​ണ് അ​ഗ്നി​ശ​മ​ന സേ​ന ഡി​ങ്കി ബോ​ട്ടു​മാ​യി എ​ത്തി വൈ​കി​ട്ട് അ​ഞ്ച​ര​യോ​ടെ ഇ​വ​രെ അ​ക്ക​ര​യെ​ത്തി​ച്ച​ത്. ഇ​രു​ട്ടു​കു​ത്തി​യി​ലെ ന​ട​പ്പാ​ലം 2019 ല്‍ ​ഒ​ലി​ച്ചു​പോ​യ​തോ​ടെ ചാ​ലി​യാ​ര്‍ പു​ഴ ക​ട​ക്കാ​ന്‍ ച​ങ്ങാ​ടം മാ​ത്ര​മാ​ണ് ആ​ദി​വാ​സി​ക​ള്‍ക്ക് ഏ​ക ആ​ശ്ര​യം. ഇ​ത്ത​വ​ണ ച​ങ്ങാ​ടം നി​ര്‍മാ​ണ​ത്തി​നാ​യി ഞാ​യ​റാ​ഴ്ച​യാ​ണ് മു​ള​ക​ള്‍ ശേ​ഖ​രി​ക്കാ​ന്‍ തു​ട​ങ്ങി​യ​ത്.

പ​ഞ്ചാ​യ​ത്ത് പ്ര​സി​ഡ​ന്റ് വി​ദ്യാ​ജ​ൻ, വി​ല്ലേ​ജ് ഓ​ഫി​സ​ർ കെ.​പി. വി​നോ​ദ്, നി​ല​മ്പൂ​ര്‍ സ്റ്റേ​ഷ​ന്‍ ഓ​ഫി​സ​ര്‍ കെ.​പി. ബാ​ബു​രാ​ജ​ന്റെ നേ​തൃ​ത്വ​ത്തി​ല്‍ ഫ​യ​ര്‍ഫോ​ഴ്‌​സ് ഉ​ദ്യോ​ഗ​സ്ഥ​രാ​യ സ്മി​തു​ന്‍ കു​മാ​ര്‍, നി​ഷാ​ന്ത്, ഷാ​ദ് അ​ഹ​മ്മ​ദ്, റ​ഫീ​ഖ്, ശ്രീ​കാ​ന്ത്, മ​നേ​ഷ്, അ​ല​വി​ക്കു​ട്ടി, സി​വി​ല്‍ ഡി​ഫ​ന്‍സ് വ​ള​ണ്ടി​യ​ര്‍മാ​രാ​യ റി​യാ​സ്, നി​ഷാ​ന്ത്, ദി​വ്യ എ​ന്നി​വ​ര്‍ ര​ക്ഷാ​പ്ര​വ​ര്‍ത്ത​ന​ത്തി​ന് നേ​തൃ​ത്വം ന​ല്‍കി.