തിരൂരങ്ങാടി: സഹകരണജീവനക്കാരുടെ ആവശ്യങ്ങളോട് നിഷേധാത്മക സമീപനം സ്വീകരിക്കുന്ന സർക്കാർനിലപാടിനെതിരെ കോഓപറേറ്റിവ് എംപ്ലോയീസ് ഓർഗനൈസേഷൻ (സി.ഇ.ഒ) താലൂക്ക് കമ്മിറ്റിയുടെ നേതൃത്വത്തില്‍ തിരൂരങ്ങാടി അസിസ്റ്റൻറ് രജിസ്ട്രാര്‍ ഓഫിസിന് മുന്നില്‍ സായാഹ്ന ധർണ സംഘടിപ്പിച്ചു. ശമ്പളപരിഷ്കരണം ഉടൻ നടപ്പിലാക്കുക, കുടിശ്ശികയുള്ള ക്ഷാമബത്ത ഉടൻ അനുവദിക്കുക, പ്രാഥമിക വായ്പാ സംഘങ്ങളുടെ അവധി എന്‍.ഐ ആക്റ്റിന് വിധേയമായി ക്രമീകരിക്കുക തുടങ്ങിയ ആവശ്യങ്ങള്‍ ഉന്നയിച്ചായിരുന്നു ധർണ. സഹകരണസംഘം തിരൂരങ്ങാടി അസിസ്റ്റൻറ് രജിസ്ട്രാര്‍ (ജനറല്‍), സഹകരണസംഘം തിരൂരങ്ങാടി അസിസ്റ്റൻറ് ഡയറക്ടര്‍ (ഓഡിറ്റ്) എന്നിവര്‍ക്ക് സി.ഇ.ഒ താലൂക്ക് നേതാക്കള്‍ അവകാശപത്രിക സമര്‍പ്പിച്ചു. താലൂക്ക് സി.ഇ.ഒ പ്രസിഡൻറ് ഹുസൈന്‍ ഊരകം അധ്യക്ഷത വഹിച്ചു. സി.ഇ.ഒ ജില്ല കമ്മിറ്റി ഭാരവാഹികളായ വി.കെ. സുബൈദ, കെ. കുഞ്ഞിമുഹമ്മദ്, പി.ടി. സലാഹ്, താലൂക്ക് സി.ഇ.ഒ ജന. സെക്രട്ടറി അനീസ് കൂരിയാടന്‍ എന്നിവർ സംസാരിച്ചു. PHOTO: mt ceo thalook dharna കോഓപറേറ്റിവ് എംപ്ലോയീസ് ഓർഗനൈസേഷൻ (സി.ഇ.ഒ) താലൂക്ക് കമ്മിറ്റിയുടെ നേതൃത്വത്തില്‍ തിരൂരങ്ങാടി അസിസ്റ്റൻറ് രജിസ്ട്രാര്‍ ഓഫിസിന് മുന്നില്‍ സംഘടിപ്പിച്ച സായാഹ്ന ധർണ
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.