കാളികാവ് സി.എച്ച്.സിയിൽ എക്സ്​റേ യൂനിറ്റ് അടക്കമുള്ള സംവിധാനങ്ങൾ സ്ഥാപിച്ചു

കാളികാവ് സി.എച്ച്.സിയിൽ ഡിജിറ്റൽ എക്സ്​റേ യൂനിറ്റ് സ്ഥാപിച്ചു ഫിസിയോ തെറപ്പി സൻെററും പ്രവർത്തനം തുടങ്ങി കാളികാവ്: ബ്ലോക്ക് പഞ്ചായത്ത് അരക്കോടിയിലേറെ രൂപ ചെലവഴിച്ച് കാളികാവ് സി.എച്ച്​.സിയിൽ എക്സ്​റേ യൂനിറ്റ് അടക്കമുള സംവിധാനങ്ങൾ സ്ഥാപിച്ചു. ബ്ലോക്ക് പഞ്ചായത്ത് പ്രസിഡൻറ്​ പി. ഖാലിദ് മാസ്​റ്റർ ഉദ്ഘാടനം ചെയ്തു. 17 ലക്ഷം രൂപ ചെലവഴിച്ചാണ് ആശുപത്രിയിൽ ഡിജിറ്റൽ എക്സ്റേ യൂനിറ്റ് ആരംഭിച്ചത്. സർക്കാർ നിശ്ചയിച്ച ഫീസ് ഈടാക്കിയാണ് എക്സ്റേ സൗകര്യം രോഗികൾക്ക് ഒരുക്കുക. 23 ലക്ഷം രൂപ ചെലവിൽ നവീകരിച്ച പുതിയ വാർഡി​ൻെറ ഉദ്ഘാടനവും ഖാലിദ് മാസ്​റ്റർ നിർവഹിച്ചു. ആശുപത്രിയിൽ ഫിസിയോ തെറപ്പി സൻെററും പ്രവർത്തനം തുടങ്ങിയിട്ടുണ്ട്. അഞ്ച് ലക്ഷം രൂപ ചെലവിൽ പഴയ ഒ.പി കെട്ടിടം നവീകരിക്കുകയും നാല് ലക്ഷം രൂപ ചെലവിൽ ഉപകരണങ്ങൾ വാങ്ങുകയും ചെയ്തു. ഫിസിയോ തെറപ്പി സൻെററി​ൻെറ ഉദ്ഘാടനം ഡിവിഷൻ മെംബർ ജോജി കെ. അലക്സ് നിർവഹിച്ചു. പത്ത് ലക്ഷം രൂപ ചെലവഴിച്ച് ആശുപത്രിയിലേക്ക് നൽകിയ ജനറേറ്റർ ബ്ലോക്ക് പഞ്ചായത്തംഗം സുബൈദ ടീച്ചർ ഉദ്ഘാടനം ചെയ്​തു. ചടങ്ങിൽ ബ്ലോക്ക് പഞ്ചായത്ത് വൈസ് പ്രസിഡൻറ്​ കീടത്ത് റംല ടീച്ചർ അധ്യക്ഷത വഹിച്ചു. മെഡിക്കൽ ഓഫിസർ ഡോ. വി. ജസീല, ബി.ഡി.ഒ പി. കേശവദാസ് തുടങ്ങിയവർ സംസാരിച്ചു. ബ്ലോക്ക് പഞ്ചായത്തംഗങ്ങളായ പൈനാട്ടിൽ അഷ്റഫ്, കെ.പി. ഹൈദരാലി, ഡോ. പി.യു. മുഹമ്മദ് നജീബ്, കാളികാവ് ഗ്രാമപഞ്ചായത്ത് ആരോഗ്യ വിദ്യാഭ്യാസ സ്​റ്റാൻഡിങ്​ കമ്മിറ്റി ചെയർമാൻ പി.ടി. ഹാരിസ്, ആശുപത്രി ജീവനക്കാർ, വിവിധ രാഷ്​ട്രീയ പാർട്ടി പ്രവർത്തകർ തുടങ്ങിയവർ സംസാരിച്ചു. photo: mn kalikav chc കാളികാവ് സി.എച്ച്.സിയിൽ എക്​സ്റേ യൂനിറ്റ് ബ്ലോക്ക് പഞ്ചായത്ത് പ്രസിഡൻറ് പി. ഖാലിദ് മാസ്​റ്റർ ഉദ്ഘാടനം ചെയ്യുന്നു